Logo
१७ मंसिर २०७८, शुक्रबार
     Fri Dec 3 2021
E-paper
  English Edition
   Unicode
Logo

कथासंग्रह ‘कैरन’ सार्वजनिक



kairanकाठमाडौँ । लेखक तथा साहित्यकार ध्रुवसत्य परियारद्वारा लिखित कथासंग्रह ‘कैरन’ सार्वजनिक भएको छ ।

साहित्यकार आहूति, डा अर्चना थापा र नागरिक दैनिकका प्रधान सम्पादक गुणराज लुईंटेलले सामूहिक रुपमा आज उक्त कथा संग्रह सार्वजनिक शनिबार ( कात्तिक २५ गते) गर्नुभएको हो ।

कार्यक्रममा साहित्यकार आहूतिले कथा संग्रहमाथि टिप्पणी गर्दै दन्त्य कथा, र लोककथा भन्ने शैलीमा कथा लेखिनु नेपाली साहित्यको आफ्नै मौलिक परम्परा भएकाले त्यसमा लेखक सफल रहेकोमा जोड दिनुभयो ।

उहाँले भन्नुभयो, “कथाकारले आजको नेपाली समाजको विषयवस्तुलाई प्रस्तुत गर्नु भएको छ । अरु शैलीका लेखनभन्दा फरक शैली अपनाउनु भएको छ, त्यसकारण पनि यो विशिष्ट छ ।”

लेखक आहूतिले दन्त्य कथाको शैलीलाई आधुनिक तरिकाबाट भन्न खोज्दा धेरै खतराबाट गुज्रनुपर्ने बताउँदै उहाँले लेखक ध्रुवसत्यले खतरा मोलेको बताउनुभयो ।

लेखिका अर्चना थापाले मिथक शैलीमा कथा लेखिएको र आफूलाई पठनीय लागेको बताउनुभयो । “लेखकले किम्बदन्तीलाई आधार बनाएर मिथक शैलीमा कथालाई ल्याउनु भएको छ”–उहाँले भन्नुभयो, “यस प्रकारको लेखन अरु लेखकको भन्दा फरक शैली हो ।”

नागरिक दैनिकका प्रधानसम्पादक लुईँटेलले कथाकार ध्रुवसत्यमा फरक प्रतिभा रहेको आफूले पाएको बताउनुभयो । “सँधै एउटै शैलीमा विषयवस्तुलाई प्रस्तुत गरियो भने त्यसले ठूलो अर्थ नराख्न सक्छ । तर त्यसलाई फरक शैली प्रयोग गरियो भने अर्थ रहन्छ”–उहाँले भन्नुभयो, “साहित्य र पत्रकारिताबीच तादम्यता छ । कथाकारले हाम्रो समाजमा रहेका विभेद तथा समस्याहरू कथामा उल्लेख गरेको मैले पाएँ ।”

सांग्रीला बुक्सले प्रकाशन गरेको ‘कैरन’ कथा संग्रहमा लेखकका १२ कथा समेटिएको छ ।


यो खबर पढेर तपाईलाई कस्तो महसुस भयो ?

काठमाडौ । महाधिबेशनको संघारमा जुटेको नेकपा (माओवादी केन्द्र) को स्थायी समितिको बैठकले मंसिर १६

काठमाडौं । आज चार प्रदेशका विभिन्न भू–भागमा हल्का वर्षासहित हिमपातको सम्भावना रहेको छ ।

फर्शुराम भुर्तेल, पर्वत । गण्डकी प्रदेशको पार्टी सभापतिमा नेपाली कांग्रेसका केन्द्रीय सदस्य अर्जुन जोशीको

काठमाडौं । नेपाली सेनाको भर्ना छनौट निर्देशनालय कार्यरथी विभागले लेखा, जमदार, पुजारी हुद्दा र

काठमाडौं । तत्कालिन नेपाल कम्युनिष्ट पार्टी (नेकपा) भित्र विवाद सिर्जना हुँदै गर्दा तेस्रो पंक्तिमा