Logo
१७ मंसिर २०७८, शुक्रबार
     Fri Dec 3 2021
E-paper
  English Edition
   Unicode
Logo

पकरी–भारदह सडकखण्ड मर्मत नहुँदा आवतजावतमा समस्या



२७ कात्तिक, राजविराज । पकरी–भारदह सडकखण्ड मर्मत नहुँदा आवतजावत गर्नमा समस्या हुने गरेको स्थानीय बासिन्दाको गुनासोे छ ।

सप्तरीको हनुमाननगर कंकालनी नगरपालिका–४ स्थित पकरी–भारदह सडकखण्डको अर्जीदेखि गंगापुर हँुदै ढोरबा चोकसम्म करिब डेढ किमी बाटो गत साउनमा आएको बाढीले कटान गरेपछि अहिले आवतजावतमा समस्या भएको उनीहरूको भनाइ छ ।

सो बाटो बाढीले कटान गरेपछि अरुको धान खेतबाट हिँड्नुपर्ने बाध्यता रहेको हनुमाननगर कंकालनी नगरपालिका–४ मधुवापुरका इन्द्रदेव ठाकुरले बताउनुभयो ।

त्यस्तै कटान गरेको बाटो मर्मत नहुँदा सो बाटो भएर दैनिक भारदह बजार जाने हजारौँ मनिस र सयौँ गाडी बाटोको बगरमा रहेको धानखेत मासेर हिँड्नुपर्ने बाध्यता भएको पनि उहाँले उल्लेख गर्नुभयो ।
आगामी मंसिर २१ गते हुने प्रतिनिधि र प्रदेशसभा सदस्य निर्वाचन नजिकिँदै जाँदा पनि बाटोघाटो मर्मत नहुँदा स्थानीयवासी एकदमै निराश भएको सोही ठाउँका अर्का व्यक्ति रामदेव साहले बताउनुभयो ।

सो क्षेत्रका गोइठी, डिवन, लवलगर, बतनाहा, सोनरा पकरीलगायत दर्जनौँ गाउँका मानिस उक्त बाटो भएर आवतजावत गर्ने गरेकाले यसप्रति सम्बन्धित निकायले बाटो मर्मत नगर्दा धान खेत मासेर हिँड्नुपर्ने बाध्यता रहेको अर्का व्यक्ति सञ्जीव गोइतको गुनासो थियो ।

आगामी निर्वाचनलाई मध्यनजर गर्दै तत्काल मर्मतका लागि आफ्नो खल्तीबाट भए पनि केही ठाउँमा मर्मतको काम शुरु गरिएको हनुमाननगर कंकालनी नगरपालिका–४ का वडाध्यक्ष नागेश्वर मण्डलले बताउनुभयो ।


यो खबर पढेर तपाईलाई कस्तो महसुस भयो ?

काठमाडौ । महाधिबेशनको संघारमा जुटेको नेकपा (माओवादी केन्द्र) को स्थायी समितिको बैठकले मंसिर १६

काठमाडौं । आज चार प्रदेशका विभिन्न भू–भागमा हल्का वर्षासहित हिमपातको सम्भावना रहेको छ ।

फर्शुराम भुर्तेल, पर्वत । गण्डकी प्रदेशको पार्टी सभापतिमा नेपाली कांग्रेसका केन्द्रीय सदस्य अर्जुन जोशीको

काठमाडौं । नेपाली सेनाको भर्ना छनौट निर्देशनालय कार्यरथी विभागले लेखा, जमदार, पुजारी हुद्दा र

काठमाडौं । तत्कालिन नेपाल कम्युनिष्ट पार्टी (नेकपा) भित्र विवाद सिर्जना हुँदै गर्दा तेस्रो पंक्तिमा