हामी सबैकाे संसारन्यूज

२८ कात्तिक, काठमाडौं । एसीसी यू- १९ एशिया कप क्रिकेटको समूह चरणको अन्तिम खेलमा नेपालले घरेलु टोली मलेसियामाथि ८ विकेटको शानदार जित दर्ता गरेको छ ।
मलेसियाले दिएको ४६ रनको लक्ष्य नेपालले २ विकेट गुमाएर ५।३ ओभरमा पूर गरेको हो ।

ओपनर आशिफ शेख ४ रनको व्यक्तिगत स्कोरमा आउट भएपछि आएका कप्तान दिपेन्द्र सिंह ऐरीले लगातार २ छक्का प्रहार गरी आउट भए । अर्का ओपनर अनिल साहले २६ र चौथो नम्बरमा आएका भीम साार्कीले अविजित ३ रन प्रहार गरी नेपाललाई ८ विकेटको जित दिलाए । साहले छक्का प्रहार गरी नेपालाई जित दिलाएका हुन् ।
यस अघि वर्षाका कारण २४ ओभरमा छोट्याइएको खेलमा नेपालले प्रतियोगिताकै उत्कृष्ट बलिङ गर्दै नेपालले मलेशियालाई १५।३ ओभरमा ४५ रनमा समेटेको हो ।
आयोजक टोली टोली मलेसियालाई सस्तैमा समेट्ने क्रममा नेपालका लागि सन्दिप लामिछानेले ५, कप्तान दिपेन्द्र सिंह ऐरी र साहव आलमले २र२ तथा अनिलकुमार साहले १ विकेट लिए ।
मलेशियाको लागि ओपनर सायद अजिजले २० र जगजित सिंहले १० रन बनाउनुबाहेक मलेसियाका अन्य ब्याट्सम्यानले दोहोरो रन बनाउन सकेनन् ।५।४ ओभरमा ३३ रन बनाएको मलेसियाले त्यसपछि १२ रन जोड्दा आफ्ना सबै विकेट गुमायो ।

नेपालको भाग्य अब भारत र बंगलादेशबीचको नतिजामा भर पर्ने छ ।