२८ कात्तिक, काठमाडौं । एसीसी यू- १९ युथ एशिया कप क्रिकेटको समूह चरणमाडिफेन्डिङ च्याम्पियनस भारत बंगलादेशसँग पराजित भएसगैँ नेपालको सेमिफाईनल प्रवेशको ढोका खुलेको छ ।
वर्षको कारण डकवर्थ लुईस नियमअनुसार ३२ ओभरमा छोट्याईएको खेलमा १९० रनको लक्ष्य पाएको बंगलादेशले २८ ओभरमा २ विकेट गुमाउँदै लक्ष्य पूरा गर्यो । बंगलादेशका लागि पिनाक घोषले सर्बाधिक ८१ रनको अविजित पारी खेले ।
यसअघि रोयल सिलांगोर क्लवको मैदानमा टस हारेर पहिले ब्याटिङ गरेको भारतले ३२ ओभरमा ८ विकेट गुमाएर १८७ रन बनाएको थियो । वर्षाले प्रभावित भएपछि खेल ३२ ओभरमा झारिएको थियो ।
समूह एमा बंगलादेशले शत प्रतिशत जित निकाल्दै समूह बिजेताको रुपमा सेमिफाइनलमा पुग्दा समूहमा २ जित निकालेको नेपाल ४ अंकसहित समूह उपबिजेताको रुपमा सेमिफाइनलमा पुग्यो । नेपालले आज नै मलेसियालाई ८ विकेटले हराएको थियो । नेपाल रहेको समुह बाट बंगलादेश समुह विजेता तथा नेपाल समुह उपविजेता हुदैँ सेमिफाईनलमा पुगेका हुन् ।
वि.सं.२०७४ कात्तिक २८ मंगलवार १०:०३ मा प्रकाशित