Logo
२० मंसिर २०७९, मंगलवार
     Tue Dec 6 2022
E-paper
  English Edition
   Unicode
Logo

डोल्पामा सुरक्षा व्यवस्था कडाइ, तीन मुख्य नाकामा विशेष चेकजाँच



dolpa६ मंसिर, दुनै, डोल्पा । प्रदेशसभा र प्रतिनिधिसभाको निर्वाचनको मुखमा जिल्लाको सुरक्षा व्यवस्था कडाइ गरिएको छ ।

निर्वाचन नजिकिँदै गर्दा जिल्लाको सुरक्षा व्यवस्थालाई विशेष ध्यान दिँदै विभिन्न समूहले गर्ने निर्वाचन विरोधी गतिविधिप्रति पूर्वसतर्कता अपनाउन जिल्लाको सुरक्षा व्यवस्था कडाइ गरिएको प्रमुख जिल्ला अधिकारी केशवराज आचार्यले जानकारी दिनुभयो ।

प्रजिअ शर्माका अनुसार जिल्लाका तीनवटा मुख्य नाकामा विशेष चेकजाँच शुरु गरिएको छ, जिल्लाको त्रिवेणी, चाँैरीकोट, होर्त खोलामा विशेष चेकजाँच शुरु गरिएको हो । आसन्न प्रदेशसभा र प्रतिनिधिसभाको निर्वाचनलाई शान्तिपूर्ण, निष्पक्ष र मतदाताले स्वतन्त्रपूर्वक मतदान गर्ने वातावरणको सिर्जना गर्न लागिपरेको प्रजिअ शर्माले जानकारी दिनुभयो ।

आसन्न निर्वाचनका लागि तीनवटै निकायका सुरक्षाकर्मी पर्याप्त मात्रामा भएकाले परिचालन पनि विशेष तरिकाले गरिएको उहाँको भनाइ छ । १८ हजार ९८९ मतदाता रहेको डोल्पामा ६६ वटा मतदान केन्द्र रहेका छन् । त्यसमा ३३ मतदान केन्द्र अति संवेदनशील, १२ वटा संवेदनशील र १५ वटा सामान्य रहेको समेत जिल्ला प्रशासन कार्यालयले जानकारी दिएको छ ।

उक्त मतदान केन्द्र सुरक्षा तथा भौगोलिक कठिनाइका हिसाबमा अति संवेदनशील र संवेदनशीलको सूचीमा राखिएको कार्यालयको भनाइ छ । विप्लपको प्रभाव क्षेत्र मानिएको तल्लो डोल्पा र काइके गाउँपालिकामा विशेष सुरक्षा व्यवस्था परिचालन गरिएको समेत बताइएको छ ।

देशका विभिन्न जिल्लामा निर्वाचन आचारसंहिता उल्लङ्घनका घटना सार्वजनिक भइरहँदा डोल्पामा भने एउटा पनि उजुरी नपरेको मुख्य निर्वाचन अधिकृत रमेशप्रसाद ज्ञवालीले जानकारी दिनुभयो । डोल्पामा आसन्न निर्वाचनका लागि ६६ मतदान केन्द्रका लागि ४३० जना कर्मचारी खटाइएको मुख्य निर्वाचन अधिकृत ज्ञवालीले जानकारी दिनुभयो ।

विगतका निर्वाचनमा के कस्तो भयो थाहा नभएकाले यस पटकको निर्वाचनमा सम्पूर्ण व्यवस्थापन चुस्तदुरुस्त ढंगबाट भएकाले सर्वसाधारणलाई ढुक्क भएर मतदान गर्नसमेत मुख्य निर्वाचन कार्यालयले आग्रह गरेको छ । रासस


यो खबर पढेर तपाईलाई कस्तो महसुस भयो ?

काठमाडौं । राष्ट्र बैंकले आजको बजारमा विदेशी मुद्राको भाउ यसप्रकार तोकेको छ । बैंकको

२०७९ मंसिर १६ गते बिहान नेकपा (माओवादी केन्द्र)का अध्यक्ष कामरेड पुष्पकमल दाहाल ‘प्रचण्ड’लाई भेटेर

काठमाडौं । नेकपा (एकीकृत समाजवादी)भित्र आन्तरिक विवाद बढ्न थालेको छ । निर्वाचनको नतिजासँगै एसभित्र

काठमाडौं । नबिल बैंकले एक्सपोर्ट–इम्पोर्ट बैंक अफ इन्डिया (एक्जिम बैंक) को नयाँ व्यापार सहजीकरण