back

जसले घर पुनःनिर्माण गरी दिन्छ, उसैलाई भोट

वि.सं.२०७४ मंसिर ९ शनिवार

291 

shares
RBB AD
NTC AD
Rastriya Swastha Sikshya Suchana Tatha Sanchar Kendra

९ मंसिर, रामपुर, पाल्पा  ।  चुनावी सरगर्मी बढ्दै जाँदा गाउँगाउँमा विभिन्न दलका नेता कार्यकर्ता चुनावी प्रचारप्रसार पुगेका छन् ।

दलका नेता कार्यकर्तालाई चुनावी रौनकताले छाएको छ भने पाल्पा सहलकोटका भूकम्पपीडितलाई भने घर बनाउने चिन्ताले सताएको छ ।

विसं २०७२ को विनाशकारी भूकम्पले सहलकोटको सुकेकोट क्षेत्रमा ५७ घरमा क्षति पुगेको छ । भूकम्प गएको लामो समय बितिसक्दा पनि यहाँका पीडितले अहिलेसम्म घर बनाउने अनुमति पाएका छैनन् । अहिले निर्वाचनका बेला गाउँ पसेका नेता कार्यकर्तालाई उनीहरु भन्छन्— “जसले घर पुनःनिर्माणका लागि पहल गर्छ, उसैलाई भोट दिने छु ।”

भूकम्पले सहलकोटको सुकेकोटमा ठूलो भौतिक क्षति पुगेको थियो । तत्कालीन भूमिसुधार तथा व्यवस्थामन्त्री एवं हाल वाम गठबन्धनबाट क्षेत्र नं १ पाल्पाका प्रतिनिधिसभा सदस्यका उम्मेदवार दलबहादुर रानाले यस गाउँलाई नमूना बस्तीका रुपमा विकास गर्न पहल गर्ने स्थानीयलाई आश्वासन दिए पनि अहिलेसम्म घर पुनः निर्माणको प्रक्रिया अगाडि नबढ्दा स्थानीय आक्रोशित बनेका छन् ।

यहाँका मतदाता भन्छन्, “जस्ले घर पुनःनिर्माणका लागि प्रतिबद्धता जनाउँछ, उसैलाई निर्वाचनमा मतदान गर्छौं” । पुनः निर्माणका लागि पहिलो किस्ता आए पनि प्राविधिक अहिलेसम्म गाउँ फर्केका छैनन् ।

देश यतिबेला चुनावमय बनेको छ तर यहाँका स्थानीवासीलाई भने अबको हिउँदको जाडो कसरी कटाउने भन्ने पिरलो छ । चुनावका बेला गाउँमा आएका नेतासँग भूकम्पपीडितले घर बनाउन पहल छिटो गरिदिन माग गरिरहेको स्थानीय युवा उमेशकुमार गाहा बताउनुहुन्छ ।

मनबहादुर रानालाई जाडो लागिसकेको हँुदा अबको हिउँदको समय रात कसरी कटाउने भन्ने मनमा भारी चिन्ता छ । उहाँका चार छोराछोरी र वृद्ध बुबा हुनुहुन्छ । चिसोको कारण रात बिताउन गाह्रो भएको रानाले बताउनुभयो ।

टहरामा बास बस्दै आउनुभएका गोवद्र्धन दर्जी अघिल्लो वर्षको जाडोमा चिसोकै कारण लामो समयसम्म बिरामी पर्नुभयो । “जताततै चुनाव लाग्यो, हामीलाई त चुनावको भन्दा पनि घर कहिले बन्ला भन्ने पिरले सताउन थाल्यो”– उहाँले भन्नुभयो — “टहराबाट निस्किएर घरमा ओत लागेर रात कटाउन पाए चिसोले सताउने थिएन ।”

सरकारले बनाउँदैनाँै भनेको भए पनि हामी आफैँले बनाई सक्थ्याँै, अनुदानको लागि समय पर्खेको यतिका समयमा बल्ल पहिलो किस्ता आएको स्थानीय भुमबहादुर रानाको भनाइ छ । पुनःनिर्माण प्राधिकरणले गरेको सर्वेक्षणअनुसार सुकेकोट क्षेत्रमा ५७ घर पुनःनिर्माण गर्नुपर्ने देखिन्छ ।

दुई तिहाइलाई पहिलो किस्ता

पाल्पाका भूकम्प प्रभावित परिवारमध्ये दुई तिहाइ पीडित परिवारलाई पुनःनिर्माणअन्तर्गतको पहिलो किस्ता प्रदान गरिएको छ ।

राष्ट्रिय पुनःनिर्माण प्राधिकरणको तथ्यांकअनुसार पाल्पामा चार हजार ६५२ घर पुनःनिर्माणका लागि छनोट भएको थियो । जिल्ला समन्वय समिति पाल्पाका वरिष्ठ कार्यक्रम अधिकृत दुर्गा थापाका अनुसार पाल्पाका झण्डै दुई तिहाइ परिवारलाई पहिलो किस्ताको रकम ५० हजार वितरण गरिएको छ । अन्य बाँकी केहीको कागजी प्रक्रिया नमिल्दा पहिलो किस्ता रोकिएको उहाँले जानकारी दिनुभयो ।

साथै जिल्लाका केही स्थानमा पुनःनिर्माणका लागि सिकर्मी तालीम सम्पन्न भइसके पनि पुनःनिर्माण प्राधिकरणले अझै प्राविधिक जिल्लामा खटाएको छैन ।

वि.सं.२०७४ मंसिर ९ शनिवार ०४:५१ मा प्रकाशित

NLIC AD
NABIL bank AD
ADBL AD
दुई सातापछि कालीगण्डकी करिडोर सञ्चालनमा

दुई सातापछि कालीगण्डकी करिडोर सञ्चालनमा

ढोरपाटन (बागलुङ) । गत असार २१ गतेदेखि अवरुद्ध राष्ट्रिय गौरवको...

लुम्बिनीसहित चार प्रदेशका केही स्थानमा भारी वर्षाको सम्भावना, सतर्क रहन अनुरोध

लुम्बिनीसहित चार प्रदेशका केही स्थानमा भारी वर्षाको सम्भावना, सतर्क रहन अनुरोध

काठमाडौँ । हाल देशभर मनसुनी वायुको प्रभाव रहेको तथा मनसुनको...

चितुवाको आक्रमणबाट एक बालकको मृत्यु

चितुवाको आक्रमणबाट एक बालकको मृत्यु

दमौली (तनहुँ) । तनहुँको बन्दीपुर गाउँपालिका-५ फलाम डाँडामा चितुवाको आक्रमणबाट...

पिपरामा  ट्याक्टर दुर्घटना हुँदा २७ जना घाइते

पिपरामा  ट्याक्टर दुर्घटना हुँदा २७ जना घाइते

जलेश्वर । महोत्तरीको पिपरामा ट्याक्टर दुर्घटना हुँदा त्यसमा सवार २७...

पीडितलाई न्याय महसुस हुनेगरी कार्यसम्पादन गर्नेछु : महान्यायाधिवक्ता बडाल

पीडितलाई न्याय महसुस हुनेगरी कार्यसम्पादन गर्नेछु : महान्यायाधिवक्ता बडाल

काठमाडौँ । नवनियुक्त महान्यायाधिवक्ता रमेश बडालले संविधान र कानुनको दायरमा...

नयाँ सरकार बनेकाले आशावादी भईदिन निजी क्षेत्रलाई अर्थमन्त्रीको आग्रह

नयाँ सरकार बनेकाले आशावादी भईदिन निजी क्षेत्रलाई अर्थमन्त्रीको आग्रह

काठमाडौँ । उपप्रधानमन्त्री एवं अर्थमन्त्री विष्णु पौडेलले मुलुकमा स्थायित्व कायम...