हामी सबैकाे संसारन्यूज

१२ मंसिर । नेपाल पत्रकार महासंघले सिन्धुपाल्चोक शाखाका सचिव दिनेश थापामाथि भएको आक्रमणबाट आफ्नो ध्यानाकर्षण भएको जनाएको छ । प्रतिनिधि सभा र प्रदेश सभाको चुनावी विषयलाई लिएर थापामाथि भएको आक्रमणको घटनाप्रति महासंघका सचिव रेमबहादुर विश्वकर्माले प्रेस विज्ञप्ती जारी गर्दै महासंघको गम्भीर ध्यानाकर्षण भएको जनाएका हुन् ।

पत्रकार थापाको भनाई उद्दत गर्दै विज्ञप्तीमा भनिएको छ “मंसिर १० गते सुनकोशी गाँउपालिका बडा नं ६ स्थित आफ्नै घरमा बसिरहेको अवस्थामा साँझ ६. ३० बजेतिर तरुण दलका कार्यकर्ता प्रमोद तामाङ्गको नेतृत्वमा आएको समुहले आक्रमण गर्दा पत्रकार थापाको छाति तथा ढाडमा चोट लागेको छ ।”

अनलाईनखबरका स्थानीय संवाददातासमेत रहेका पत्रकार थापामाथिको आक्रमण प्रेस स्वतन्त्रतमाथि आक्रमण भएको महासंघको ठहर रहेको जनाइएको छ । “महासंघ घटनाको निन्दा गर्दै घटनाको सत्यतथ्य छानविन गरी दोषीमाथि कारबाहीको माग गर्दै पत्रकारलाई स्वतन्त्र र भयरहित पत्रकारिता गर्ने वातावरण निर्माण गर्न सम्बन्धित सबै पक्षसंग माग गर्दछ, विज्ञप्तीमा भनिएको छ ।