हामी सबैकाे संसारन्यूज

२५ मंसिर, काठमाडौं । आफ्ना प्रतिश्प्रर्धीलाई झण्डै २० हजार मतले हराउँदै कन्चनपुर १ बाट प्रतिनिधिसभा सदस्यमा विना मगर विजयी बनेकी छन् ।
नेकपा माओवादी केन्द्र र नेकपा एमालेको वाम गठबन्धनबाट साझा उम्मेदवारी बनेकी नेकपा माओवादी केन्द्रकी नेतृ विना मगर आफ्ना प्रतिश्प्रधी नेपाली कांग्रेसका दिवान विष्टलाई झण्डै २० हजार मतले पराजित गर्दै विजयी बनेकी छन् ।
मगरले ३८ हजार ४६७ मत ल्याएर विजय बनेकी छन् भने विष्टले १९ हजार २१९ मत ल्याएका छन् ।
नेकपा माओवादी केन्द्रका अध्यक्ष प्रचण्डकी बुहारी समेत रहेकी नेतृ विना मगर चुनाव प्रचार प्रसारकै क्रममा कन्चनपुरमा रहेका बेला श्रीमान प्रकाश दाहालको हृदयघातबाट मृत्यु भएको थियो । श्रीमानको मृत्युको पीडा ठूलो भएपनि संविधान कार्यान्वयन र देशको समृद्धि त्यो भन्दा पनि ठूलो भएको भन्दै हिम्मत र साहस लिएर चुनावमा निरन्तर लागिपरेकी विना मगरले अन्तत ः सिंहदरबारको यात्रा तय गरेकी छन् ।