२६ मंसिर, काठमाडौ । कैलाली १ बाट प्रतिनिधिसभा सदस्यका लागि राजपाका रेशम चौधरी भारी मतसहित विजयी भएका छन् ।
प्रहरीको फरार सूचिमा रहेका चौधरीले भूमिगत रहेर नै भारी मतसहित चुनाव जितेका हुन् ।
चौधरीले १४ हजार ३४१ मत ल्याएर विजयी हुँदा उनका निकटतम प्रतिद्धन्द्धी बाम गठबन्धनका उम्मेदवार बनेका एमालेकी मदन कुमार शाह (गरिमा) ले १३ हजार ४०६ मत प्राप्त गरेकी थिइन् । त्यस्तै कांग्रेसकी ईश्वरा न्यौपानेले ११ हजार २०३ मत ल्याएकी थिइन् ।
२०७२ भदौमा कैलालीको टिकापुरमा भएको थारु आन्दोलनका क्रममा डेढ वर्षीय बालक सहित आठ सुरक्षाकर्मीको सामुहिक हत्या भएको थियो । त्यहि घटनाका मुख्य आरोपि मानिएका चौधरी फरार अभियुक्तको सूचीमा रहेका छन् । उनले वारेसनामामार्फत उम्मेदवारी दिइएको बताइएको छ ।
