Logo
२७ श्रावण २०७९, शुक्रबार
     Fri Aug 12 2022
E-paper
  English Edition
   Unicode
Logo

आमा अनि सन्तानको खुसी



bikramमध्य पुसको चिसो विहानमा
आँगनमा राखेको चिसो पानीलाई
पर भिर कुनाको रातो माटोमा भिजाएर
छन छनी चुरा बजाउदै
चिसोले हात कठ्याउदै दैलो पोत्ने
मेरी आमा हुन् ।
बिहानै उठेर सुरु भएको
उनको रोर्बट रुपी दिनचर्या
मध्य रात सम्म यथावत रहन्छ ।
सन्तान अनि परिवारको खुसीको लागि
आफ्ना खुसीलाई तिलान्जली दिएर
जुवामा राखिने छालाको नारा सरि रेटिएर
भारीको भारले तालु खुईल्याएर
सधै भरि मायाका शब्द पोख्ने
मेरी आमा हुन् ।
साउने झरीमा उ तल खरबारीमा
घाँस काट्न जाँदा उदाईएकोे
धारिलो हसिँँयाले हातलाई
नमज्जासँग काट्दा पनि
कम्मरमा बाधिएको पटुकीको
एक टुक्राले हातले बाधेर
घाँस काट्ने तीनै मेरी आमा हुन् ।
उनी मेरी मात्रै आमा होईनन्
गोठमा बाधिएकी कैली गाईकी
पनि आमा हुन्
टाँढमा बाधिएकी त्यो काली
बाख्रीकी पनि आमा हुन् ।
अँगेनोमा आँगो नजल्दा
बाँसको ढुंग्रोले फु– फु गर्दै
आँखाबाट धरधरी आसुँ झार्दै
खाना पकाउने मेरी आमा हुन् ।
न त उनलाई प्रवाह छ
आँगोले डढाएको त्यो अनुहारको
न त उनलाई प्रवाह छ
चिसोले पटपटी फुटेका ती खुट्टाको
न त उनलाई प्रवाह छ
खरानीले भाँडा माझ्दा चर्केका
उनका कोमल हाँतको
उनलाई त केबल प्रवाह छ
परिवार अनि सन्तानको खुसीको
मात्र परिवार को खुसीको


यो खबर पढेर तपाईलाई कस्तो महसुस भयो ?

काठमाडौं । नेपाल राष्ट्र बैंकले आजको नेपाली बजारमा विदेशी मुद्राको भाउ यसप्रकार तोकेको छ

काठमाडौं । प्रतिनिधिसभा र प्रदेशसभामा चुनावी तालमेल गरेर जाने सहमति गरेका दलहरुबीच सिट बाँडफाँटमा

काठमाडौं । सरकारले प्रतिनिधिसभा र प्रदेशसभाको निर्वाचन घोषणा गरेसँगै मुलुक चुनावी विषयले तात्तिएको छ

काठमाडौं । स्थानीय निर्वाचनमा जस्तै प्रदेश र प्रतिनिधिसभा चुनावमा पनि एमाले एक्लो हुने भएको