हामी सबैकाे संसारन्यूज

९ मंसिर, एजेन्सी । हामी सन् २०१७ को अन्तिममा आईपुगेका छौँ । अब ५ दिनमा नै हामीले यो वर्षलाई विदाई गर्दै २०१८ लाई स्वागत गर्दै छौँ । आज हामीले सन् २०१७ मा प्रकाशित उत्कृष्ट १० पुस्तकको बारेमा चर्चा गर्दै छौ । पुस्तकले पाएको पाठक प्रतिक्रिया, विक्री लगायतका सुचकांकको आधारमा उत्कृष्ट बन्न सफल यी हुन् पुस्तकहरु ः

१०. ईम्प्रुभमेन्ट
अमेरिकी लेखिका जोन सिल्वरद्वारा लिखित यस पुस्तकमा किकि नाम गरेको एक महिलाको कथा समावेश छ । कथाकी प्रमूख पात्र किकि सन् १९७० मा टर्कीको राजधानी इस्तानाबुल पुग्छिन् त्यसपछि उनले त्यहा कार्पेट बेच्ने पुरुषसँग बिहे गर्छिन् । त्यसपछि उनी उनका श्रीमानको गाँउ पुग्छिन् । त्यसपछि उनका संघर्ष र सफलताको कथामा उपन्यास घुमेको छ । उपन्यासले महिला शसक्तीकरणको बारेमा बेजोड सन्देश दिन खोजेको छ ।

९. पाचिंको
कोरियामा जन्मेकी अमेरिकी लेखिका मिन जिन ली को प्याचिंकोप्याचिंको नामक पुस्तकले यस वर्षमा निकै चर्चा पायो । यसमा कोरियन परिवारको चार पुस्ताको वर्णन गरिएको छ । कथा एक जना बुढो माझी र उसकी श्रीमतीबाट सुरु हुन्छ । उसको एक जना अपांग छोरा हुन्छ यस्तै माझीकी किशोरी छोरी एकजना पर्यटकको गर्भ बोकेकी हुन्छे । पछि उसलाई एक जना पुजारीले बिहे गर्छ र ओसाका सहर लैजान्छ । पुजारीको छिट्टै मृत्यु हुन्छ । श्रीमानको मृत्यु अनि देशमा चलिरहेको युद्धले उक्त महिलाको जीवनमा आपद आईपर्छ । त्यहि पनि उ निरन्तर रुपमा लागि पर्छे र सफलता हात पार्छे ।

८.  अ काईन्ड अफ फ्रिडम
अर्की महिला लेखिका मार्गारेट विल्र्कसन सेक्सटनको पहिलो उपन्यास अ काईन्ड अफ फ्रिडम निकै चर्चामा आएको पुस्तक हो । उपन्यास एक जना महिलाको कथामा आधारित छ ।

७.   लिंकन एण्ड दि बार्डो
अमेरिकन लेखक जर्ज साउन्र्डस दवारा लिखित यस पुस्तक निकै चर्चामा छ । पुस्तकमा अमेरिकन भुत पुर्व राष्ट्रपतिका ११ वर्षिय छोराको पखालाको कारण भएको मृत्यु पछिको विषयलाई समावेश गरिएको छ ।

६. फ्युचर होम अफ दि लिभिङ गड

अमेरिकन लेखक लुईस एर्डरिचद्वारा लिखित यस पुस्तक न्यायको बारेमा लेखिएको छ ।

५.  डिफिकल्ट वुमन

बहुचर्चित अमेरिकन लेखक तथा प्रोफेसर रक्सन गेद्वारा लिखित यस पुस्तकमा यौन मनोविज्ञानको विषयलाई भिन्न २१ भाग समावेश गरिएको यस पुस्तकले सन् २०१७ मा धेरै अवार्ड हासिल गरेको छ ।

४.  यु डन्ट ह्याभ टु से यू लभ मि

अमेरिकन लेखक शेर्मन एलेक्सि द्वारा लिखित यस पुस्तकमा साल्मन नामक पात्रको भौतिक तथा अध्यात्मिक चरित्रको बारेमा उल्लेख गरिएको छ ।

३ .  हेएर ईन बर्लिन

क्युवामा जन्मिएकी अमेरिकी लेखिका क्रिस्टिना ग्रासियाद्वारा लिखित यस पुस्तकमा एकजना पात्रको बर्लिन बसाईको बारेमा उल्लेख छ । जहाँ देखिएका अनौठा पार्क, म्युजिएम, क्याफे, चिडिँयाखानाको बारेमा लेखिएको छ ।

२. मनहत्तन बिच

अमेरिकन लेखिका जेनिफर एगनको यस पुस्तकमा १९४० को दशकको ब्रुकलिन सहरको बारेमा उल्लेख गरिएको छ । यस पुस्तकमा एक जना आएरल्यान्ड वासी पात्र र उसकी छोरी आन्नाको चर्चा गरिएको छ ।

१. सिङ अनबरिड सिङ
अमेरिकी लेखिका जेस्मिन वार्डको यस पुस्तक यस वर्षको लेशनल बुक्स अफ दि अवार्ड जित्न सफल पुस्तक हो । यस किताबमा १३ वर्षिय पात्र जोजोको बारेमा चर्चा गरिएको छ ।