हामी सबैकाे संसारन्यूज

१३ माघ, काठमाडौं । आदिवासी जनजाति युवा महासंघ नेपालको सातौँ राष्ट्रिय सम्मेलन दमौलीमा शुरु भएको छ ।

‘पहिचान, अधिकार, रोजगारी र एकताका लागि हाम्रो सक्रियता आदिवासी जनजाति युवाको साझा प्रतिबद्धता’ भन्ने मूल नाराका साथ सम्मेलनको आयोजना गरिएको हो । सम्मेलनको लोपोन्मुख जातिका राजामामा कुुसुण्डाले उद्घाटन गरेका हुन् ।

सो अवसरमा राजामामाले आदिवासी जनजाति युवाको एक मात्र साझा राष्ट्रिय संगठन युवा महासंघलाई उचाइमा पु¥याउनसके जनजातिको हितमा हुने बताए । कार्यक्रममा प्रतिनिधिसभा सदस्य कृष्ण राई, प्रदेशसभा सदस्यहरू आदेन्ड शेर्पा, सरिता गुरुङ, हरिबहादुर चुमान, डोबाटे विकले नेपाल आदिवासी जनजाति महासंघका केन्द्रीय उपाध्यक्ष नवीन रोका मगर, युवा महासंघका उपमहासचिव सिद्धान्त थापा मगर, ङिमी शेर्पा लगायतले सम्मेलनको सफलताको कामना गर्नुभएको थियो । सम्मेलनमा देशभरबाट आएका ३०० भन्दाबढी युवाको सहभागिता रहेको छ ।