back

छन्द डायसपोरा

वि.सं.२०७४ माघ १५ सोमवार

324 

shares
NTC AD
Global IME AD

 

सारा रत्न जडेर भाव जगका लेख्दै गरेका कुरा
भाका भाव र सूत्रको मिलनमा चढ्ने छ त्यो टाकुरा ।
नेपाली मनले जुटौँ अब उठौँ ढाकेर ब्रह्माण्ड यो
पोखौँ सुन्दर छन्दमा हृदयको सङ्गीत संसारको ।।१।।

बाँडे पो सबले चुनेर गतिलो निर्दोष सद्भावना
त्यागी द्वेश झुमिन्छ काव्यरसमा हट्ने छ दुर्भावना ।
स्रष्टाका मनमा समस्त जगको छाया त्यहीँ आउँछ
सारा पाठकभावना सृजनमा आफ्नै बनी छाउँछ ।।२।।

कस्तो विस्मय प्राप्ति हो सुकविको संसार अट्ने निधि
नेपाली कविले सजाउन सके त्यो छन्दको सद्विधि ।
भाकामा ममता दिनुस् सुजन हो संस्कार हाम्रो भनी
अट्ने शक्ति छ छन्दमा रसिक हो बह्माण्ड सौदामिनी ।।३।।

नेपाली जन फैलियो भुवनमा बाल्दै कलाको दियो
यो ब्रह्माण्ड बुझेर शब्दलयमा आस्था उराल्दै हिँड्यो ।
साझा दृष्टि बनेर विश्व रचना गर्दै गयो शब्दमा
नेपाली अहिले बन्यो भुवनमा द्रष्टा स्वयं काव्यमा ।।४।।

हे प्यारा कवि हो ! सुसंस्कृत हुने गर्दै हिँडौँ कामना
भाषा नै नरहे रहन्छ र कहाँ साहित्यको साधना ।
यौटा दीप जलाउने प्रण गरौँ संसार चम्किन्छ है
लेखौँ सार्थक भावपूर्ण कविता संसार लम्किन्छ है ।।५।।

लेखिन्थे पहिले समस्त जगका गाथा यही छन्दमा
पोखिन्थे इतिहासका सब नयाँ भाका यही छन्दमा ।
मानिन्थे कविका समस्त कविता हुन् देववाणी भनी
गर्ने मानवले त हो नि सृजना लागौँ न हामी पनि ।।६।।

छन्दः शार्दूलविक्रीडित

वि.सं.२०७४ माघ १५ सोमवार ०३:०५ मा प्रकाशित

NLIC AD
NABIL bank AD
कविता : निखार काव्य ए कवि

कविता : निखार काव्य ए कवि

स्वर्ण शिखा, दाङ नवीन यामको अहो सुरम्य बिम्ब देखियो, नवीन...

कविता : शब्द दुरुपयोग

कविता : शब्द दुरुपयोग

निम्बतरु,अर्घाखाँची कालेलाई काले भन्न मिल्दैन सेतेलाई सेते भन्न मिल्दैन नेप्टे...

कविता : आत्मबोध

कविता : आत्मबोध

शान्ता न्यौपाने, बेलबारी, मोेरङ सधैं तिमी मर्छुमर्छु भन्छौ तर तिमीलाई...

कविता : नयाँ बर्ष

कविता : नयाँ बर्ष

भूपाल अधिकारी, बिराटनगर सही सोच राखौँ न उल्टाहरूले , सधैँ...

कविता : अनादर नगरौँ

कविता : अनादर नगरौँ

पौडेल विमुन्स, कास्की आफैंले दिनरात जप्न सकियो मन्त्रादि नानाथरि जप्दा...

टुक्का कविताहरू

टुक्का कविताहरू

ईन्दु श्रेष्ठ,चितवन १. जीवनमा मोक्ष पाउन गर्नु पर्छ कर्म दीन...