Sansar News
२० माघ, गोरखा । गोरखा नगरपालिका–६ दरबारमार्गमा पिता सूर्यनाथ अर्यालको किरिया बसेका छोरा ईश्वरप्रसाद अर्यालका निधन भएको छ ।
साठी वर्षीय अर्यालको हृदयघातका कारण शुक्रबार अपराह्न निधन भएको हो । किरियाको कामकाजका लागि धारामा पुगेर घर फर्किने क्रममा लडेका अर्याललाई उपचारका लागि तीनधारेस्थित एपोलो अस्पताल लगिएको थियो । डाक्टर सन्तोष मास्केका अनुसार हृदयघातका कारण अर्यालको निधन भएको हो ।
अर्यालका आफन्त किरणबाबु अर्यालका अनुसार लडेर अचेत भएका ईश्वरको निधन भएको हो । अर्यालका श्रीमती, दुई छोरा र तीन छोरी छन् ।
वि.सं.२०७४ माघ २० शनिवार ०२:५९ मा प्रकाशित
