back

खबरदारी

वि.सं.२०७४ फागुन १ मंगलवार

375 

shares
RBB AD
NTC AD

 

हो त्यहीनेर ढल्यो
मेरो सपनाको महल
सिमाना बेचेर स्वार्थको माला लगाएपछि
हो त्यहीनेर लुटियो
मेरो देशको अस्मिता

तिमीले
उसकै घामको उज्यालोमा
नाचेर छमछमी
आवश्यकताको आपूर्ति गर्यौ
र उसको लालचको
सवारीमा सवार भएर
सम्पन्नताको भ्रम छर्यौ
मानेर उसको तन्नेरी आदेश
हरेक बाँझो निर्णयको बगर सम्झायौ
र झुक्याएर पटक पटक मलाई
स्वतन्त्रताको नाटक रच्यौ
हो त्यहिनेर पिल्लिएको छ
मेरो देशको आँखा
मेरो सहनशिलतालाई कमजोरी ठानेपछि
हो त्यहिनेर पाछिएको छ
मेरो देशको मुटु
आज
हाँस्दैन ती सङ्कोच
मेरो फाटको तरेली
सिमाना दुखेर मेचीकाली

लिपृलेक रूँदैछ धरघरी
ढुक्कले घुम्दैन
मेरो समयको काँटा
र खोलाको लहरले
स्वतन्त्रताको गीत गाउँदैन आज
हो त्यहीनेर भत्कियो
मेरो एकताको बाँध

तिमीले
साँटेर मेरो माटोको सुगन्ध
उसकै आगन सुगन्धित बनायौ
र खिया पारेर मेरो आसामा
पराधिनको धार लगायौ
जब तिमीले
कमजोर ठानेपछि आफूलाई
उसँग सिद्धान्तको भिख माग्यौ
र समस्याको समाधान गर्ने बहानामा
बिनासको पैरो फुटायौ
हो त्यहीनेर छाम्यो उसले
मेरो देशको ढुकढुकी
नाकाबन्दी गरेर मेरा आवश्यकतालाई
ठान्यो मगन्ते
त्यतीबेलै उसले
आँखा गाडेर मेरो स्वाभिमानमा
तागतको शालिक ठड्यायो
लडाएर एक आपसमा
अधिकारको नाटक मञ्चन गर्यो

उ मेरै आगनीमा
होली खेलुँ भन्छ रगतको
र चुडालेर सद्भावको डोरी
युद्धको बेनी उमारूँ भन्छ
दबाबको कोर्राले
हिर्काएर देशलार्इ
बनाउँ भन्छ घाईते
र बिरामी बनाएर मेरो मानसिक्ता
आफ्नो शासनको रजाँइ गरूँ भन्छ
लादेर आफ्ना अरोैटेहरूलार्इ यहीँ
जबरजस्त
मेरो देशको बनाउन खोज्छ
र बहन गराएर पदीय जिम्मेवारी
मलाई उपनिवेशको बनाउन खोज्छ
तर खबरदार
ढल्दैन मेरो स्वाभिमान
गल्दैन मेरो बिश्वास
डग्दैन मेरो एकता
मेरा चन्द्र र सूर्यको कसम
अब म
आगोमा पानी भएर होइन
आगोमा आगो भएर दन्कनेछु
र डढाउनेछु
मेरा सिमानाका फोहोरहरू

इति

वि.सं.२०७४ फागुन १ मंगलवार ०३:२६ मा प्रकाशित

NLIC AD
NABIL bank AD
कविता : म महिला

कविता : म महिला

कोपिला वर्देवा,काठमाडौं  सृष्टिमा मेरो पाहिलो पहिचान महिला भगवानले सृष्टि चलाउन...

गजल

गजल

मिरा ज्ञवाली (आस्था), रुपन्देही भिरेर हिउँको सपक्क फेटा सधैँ बसेको...

कविता : सोच

कविता : सोच

सुशील रिजाल, किर्तिपुर उठ्दछन् सोचले मान्छे लक्ष्य उच्च बनेपछि पौरखी...

टुक्का कविताहरू

टुक्का कविताहरू

रुना कर्माचार्य दाहाल, चितवन १. माय ममता अनि स्नेहको भण्डार...

कविता : मनको अँध्यारो

कविता : मनको अँध्यारो

हरि पौडेल,नेदरल्याण्ड अंधकार भयानक हुन्छ डरलाग्दो हुन्छ तर शक्तिशाली हुदैन...

कविता : अन्तिम गीत

कविता : अन्तिम गीत

बाबुराम न्यौपाने, दमक, झापा सगरमाथाको कञ्चन पानी पहाडी नागबेली घुम्ती...