Sansar News
मनहरू मनसँग
ठोसिँदैछन्
सायद यहाँ
भेदभावपूर्ण भातृत्वको
ज्वालो दन्किन्छ होला
मेरो सहरको सद्भावनामा
सधै खडेरी लाग्ने गर्छ
भरोसाको रोपाईं त
नभएको धेरै भयो
गोबरे च्याउझैं जताततै
फस्टाएको छ भ्रष्टाचार
मेरो सहरको शान्ति
उसै हराएपछि
सुख र सम्वृद्धि पनि
उसलाई खोज्न
निस्किएछन्
बुद्ध सँगसँगै
विकासको बाटोमा
पराई हस्तक्षेप खडा भएपछि
जति नै मलजल गरेर
विश्वास रोपे पनि
अन्त्यमा विश्वासघात नै
फलिरहेको छ मेरो सहरमा
असत्यको बजारमा
धर्मको किनबेच
हुन थालेपछि,
हेर्दा-हेर्दै
मेरो सहरमा
सत्यको
हत्या भयो
इति
वि.सं.२०७४ फागुन ७ सोमवार ०४:२१ मा प्रकाशित
