हामी सबैकाे संसारन्यूज

१८ फागुन, काठमाडौँ । लिग लिडर वार्सिलोनाले ड्र खेले सँगै लालिगाको उपाधि रेश फेरि खुला भएको छ । हिजो राति भएको २६ औ चरणको खेलमा वार्साले लास पाल्मससँग बराबरी १ १ गोलको बराबरी खेलेसँगै दोस्रो स्थानको एट्लेटिको म्याड्रिडले लिग लिडर वार्सिलोनासँगको दुरी ५ अंकमा सिमित गरेको हो ।
जनवर विन्डोमा ईङलिश क्लब चेल्सीबाट एट्लेटिको पुगेका डिएगो कोष्टा, तथा एन्टोनि ग्रिजमान प्रेरित एट्लेटिकोले निकै स्तरीय प्रदर्शन गरिरहेको छ । २६ औ चरणको खेल सकिदा अहिले सम्म शीर्ष स्थानको वार्सिलोनाको ६६ अंक रहेको छ । दोस्रो स्थानको एट्लेटिकोको समान खेलबाट ६१ अंक रहेको छ । अब हुने खेलमा वार्सिलोना र एट्लेटिको म्याड्रिड भिड्दै छन् । उक्त खेलमा एट्लेटिकोले वार्सालाई रोक्न सकेको खण्डमा उपाधि होडमा कडा टक्कर दिने निश्चित छ । निकै उत्कृष्ट फर्ममा रहेका ग्रिजम्यानले २ खेलमा मात्रै सात गोल गरेका छन् । तसर्थ वार्सिलोनाद्वारा नियन्त्रित लालिगाको उपाधि होड पुन खुला भईसकेको छ ।