back

गुणातीत

वि.सं.२०७४ चैत २७ मंगलवार

177 

shares
RBB AD
NTC AD

तारानाथ भण्डारी

 

सकेमा गुणातीत बन्नू पुजारी
गुणाधीनताले बनायो भिखारी ।
सुधीतुल्य राजा भएनन् र हुन्नन्
त्यसैले गुणातीत साना हुँदैनन् ।। १ ।।

न ता लालसा छन् न ता कामना छन्
न षट्कर्मका ती कुनै बासना छन् ।
उसैमा जगत् यो समाविष्ट हुन्छ
उसैभित्र आस्था समाधिस्थ हुन्छ ।। २ ।।

जहाँ वेदनाको कुनै ठाम छैन
त्यहाँ उष्णदाता कुनै घाम छैन ।
दया भावनाले सदाचार बढ्छ
सदाचारताले दुराचार घट्छ ।। ३ ।।

छ संसार एक्लो बिना प्रेमको यो
सबै दुःखको मूल अज्ञानता हो ।
जहाँ सोच भैदिन्छ तेरो र मेरो
त्यहाँ शोक बर्सन्छ कालो अँधेरो ।। ४ ।।

छ सन्तप्त मान्छे अहंकारबाट
छ विध्वस्त मान्छे कुलाचारबाट ।
छ धेरै चनाखो सुरापान गर्न
छ धेरै बिरानो सुधापान गर्न ।। ५ ।।

इति
छन्दः भुजङ्गप्रयात

जन्म स्थानः  पाल्पा नेपाल, स्थार्इ निवासः मणिग्राम रुपन्देही  नेपाल हालः दिल्ली भारत ।

वि.सं.२०७४ चैत २७ मंगलवार ०९:४२ मा प्रकाशित

NLIC AD
NABIL bank AD
कविता : म महिला

कविता : म महिला

कोपिला वर्देवा,काठमाडौं  सृष्टिमा मेरो पाहिलो पहिचान महिला भगवानले सृष्टि चलाउन...

लघुकथाः नसोचेको खुसी

लघुकथाः नसोचेको खुसी

मुरारीराज मिश्र, कुमारीगाल, काठमाडौं ‘परेको बेलामा यसो सघाइपघाइ होला कि...

चारु

चारु

टंक चन्द ठकुरी दाङ्ग तुलसीपुर, हाल–अमेरीका मान्छेहरू पिर पर्नुको पनि...

गजल

गजल

मिरा ज्ञवाली (आस्था), रुपन्देही भिरेर हिउँको सपक्क फेटा सधैँ बसेको...

गजल

गजल

उत्तम विचार, नुवाकोट म शृङ्गार टीका हुँ गाजल म तिम्रै...

मुक्तक

मुक्तक

गोठालो काशिराम आछाम, हाल भारत १. हावाहुरी जस्तै गरि आउनेको,...