BizPati

  • आज : २०७५ पौष २ गते
    Headlines :

    गजल ४१

    राजु सुब्बा, एटलाण्टा जर्जिया अमेरिकाचैत्र १८, २०७४
    17022140_1280998255270823_81770921803730058_n

    गजलकार

    विश्वासको बाँध तोडी पाइला अन्तै सार्यौ
    आधा बाटोबीच छोडी मलाई ज्यूँदै मार्यौ

    तिमी बिना बाँच्दिनँ म भनेकै त थिएँ
    यति सपना देखाएर आज एक्लै पार्यौ

    सागरझैँ गहिरो छ हाम्रो माया भन्थ्यौ
    आज मलाई डुबाएर अरुलाई नै तार्यौ

    जहाँजहाँ जान्छौ तिमी सँगै हिँड्छु भन्थ्यौ
    अनायासै आज मेरो हिँड्ने बाटो बार्यौ

    म बाँच्नुको अर्थ पनि तिमीसँगै थियो
    आफ्नै सम्झी मनमा राखेँ मनबाटै झार्यौ ।

    इति

    ३८०१ पटक
    प्रतिकृया दिनुहोस्