३० कात्तिक, काठमाण्डौं । प्रधानमन्त्री निवास बालुवाटारस्थित जग्गा हिनामिना प्रकरणमा अख्तियार दुरुपयोग अनुसन्धान आयोगले तत्कालिन भौतिक योजना तथा पूर्वाधारमन्त्री विजय कुमार गच्छदारसँग लामो बयान लिएको छ ।
अख्तियार स्रोतका अनुसार अख्तियारका अनुसन्धान अधिकृतहरुले गत कात्तिक २२ गते ( शुक्रबार) साँझ गच्छेदारसँग चार घण्टा लामो बयान लिएको शनिबारको राजधानी दैनिकमा समाचार छ ।
बयानका क्रममा गच्छदार मन्त्रिपरिषद्को नीतिगत निर्णय भएकाले यस प्रकरणमा आफ्नो कुनै भूमिका नभएको भन्दै बचाउको प्रयास गरेका थिए ।
‘प्रशासनिक तहबाट निर्णय भएर आएकाले मैले निर्णयमा हस्ताक्षर गरेर मन्त्रिपरिषद्मा पठाएको हुँ यसमा मेरो कुनै दोष छैन’ गच्छदारको भनाई उद्धृत गर्दै अख्तियार श्रोतले भन्यो ।
वि.सं.२०७६ कात्तिक ३० शनिवार ०७:४७ मा प्रकाशित