Sansar News
११ मसिंर, काठमाडौँ । अख्तियार दुरुपयोग अनुसन्धान आयोगले मालपोत कार्यालयका बारा सिमरामा कार्यरत नायब सुब्बा मदनप्रसाद गुप्तसहित नौ जनाविरुद्ध भ्रष्टाचार मुद्दा दर्ता गरेको छ ।
अख्तियारले गुप्त र अन्य तीन जना परिवारका सदस्यसहित नौ जनाविरुद्ध पौने १५ करोड बिगो दाबीसहित विशेष अदालतमा भ्रष्टाचार मुद्दा दर्ता गरेको हो ।
अख्तियारको लामो अनुसन्धानपछि नासु गुप्तलगायत उनकी श्रीमती रिता देवी, छोरा बिक्की र रक्की तथा अन्य व्यक्ति कविता कुमारी, नीरजकुमार गुप्ता, राजेशकुमार गुप्ता, जुगुलीप्रसाद र जगतनारायाण यादवसमेतलाई मुद्दा दायर गरिएको छ । बुधबारको राजधानी दैनिकबाट
वि.सं.२०७६ मंसिर ११ बुधवार ०७:५२ मा प्रकाशित
