३० मसिंर, झापा । जन्ती लिएर बेहुलीको घर पुगेको बेहुलाले आफ्नो घर फर्किदा के लिएर फर्केला ? सहज उत्तर हुन्छ
– बेहुली र दाइजोपात । तर झापाको भद्रपुरका एक बेहुला भने विवाहमण्डपमा जरिवाना तिरेर घर फर्केका छन् ।
घटना अनुसार बेहुला पक्षले बेहुलीपक्षलाई ढाटेको भन्दै बेहुलालाई जरिवाना तिराएका छन् । झापाको भद्रपुर नगरपालिका ७ का युवा र बुद्धशान्ती गाउँपालिका २ की युवतीबीच विवाह छिनिएको थियो । विवाह मसिंर २९ गतेका लागि छिनियो । सोही अनुसार बेहुला बेहुली लिन बेहुलीको घरमा गए ।
मण्डप सजियो बवाल तव भयो जब बेहुलाले बेहुलीको सिउँदोमा सिन्दुर हाल्न खोजे तर बेहुलाको हात उठ्दै उठेन । त्यसपछि खुल्यो बेहुला अपाङग भएको रहस्य । अनि बेहुली पक्ष झगडामा उत्रियो ।
बेहुली लिन पुगेका जन्तीका सवारी साधन तोडफोड हुन थाले त्यसपछि स्थानीय प्रहरी घटनास्थल पुग्यो । प्रहरीले झगडा मिलाएर फर्कियो । प्रहरी पुगेपछि बेहुला र बेहुलीपक्षबीच जरिवाना तिर्ने सहमती भयो । बेहुला पक्षले बेहुलीलाई ४ लाख रुपैयाँ जरिवाना तिरेर बेहुली बिनै घर फर्किए ।
वि.सं.२०७६ मंसिर ३० सोमवार ११:३७ मा प्रकाशित
