काठमाडौं । थाइल्याण्डमा उपचार गराइरहेका नेकपा (माओवादी केन्द्र) का नेता वर्षमान पुनको स्वास्थ्यमा सुधार नआएपछि थप उपचारका लागि चीन लगिएको छ ।
थाइल्याण्डको बैंककस्थित समिति भेज अस्पतालमा गत डेढमहिनादेखि जटिल प्रकारको जण्डिसको उपचार गराइरहेका उनलाई थप उपचारका लागि चीनको र्थड पिपुल्स हस्पिटल अफ सेनजेन लगिएको बताइएको छ ।
नेकपा माओवादी केन्द्रका केन्द्रीय सदस्य दुर्गा चापागाईका अनुसार थाइल्याण्डमा उल्लेख्य सुधार नभएपछि चिकित्सकहरुको सुझावमा चीन लगिएको हो । पुनसँगै उनकी श्रीमती ओनसरी घर्ती र छोरी शीला पनि सँगै गएका छन् । नेता पुनको चीनमा उपचारका लागि अध्यक्ष प्रचण्डले पहल गरेको बताइएको छ ।
गत असोज १३ मा उपचारका लागि बैंकक लगिदा नेता पुनमा देखिएको जण्डिस (बिलरुविन) को तह १८ रहेकोमा उपचारपछि झन बढेर २२ पुगेपछि चीन लािगएको बताइएको छ ।
वि.सं.२०७८ मंसिर १० शुक्रवार ११:४९ मा प्रकाशित