हामी सबैकाे संसारन्यूज

१७ माघ, काठमाडौँ । चैत १ गतेबाट सुरु हुने एभरेष्ट प्रिमियर लिग (ईपीएल) मा यस बर्ष पनि ६ बटा टिमले भाग लिने छन । २०१८ मा भएको ईपीएलको पहिलो संस्करण भव्य रहेको थियो । २०१८ मा भएको ईपीएलको पहिलो संस्करणको उपाधि ललितपुर प्याट्रियोट्सले जित्न सफल भएको थियो ।

२०२० को ईपीएल २०१८ को भन्दा ठूलो र भव्य रहने अनुमान अहिलेबाटै लगाउन सकिन्छ । २०२० को ईपीएलका लागि थुप्रै विदेशी आइकनिक खेलाडिहरुको नाम विभिन्न टिममा जोडिएको छ ।

२०२० को ईपीएलको आधिकारिक प्रसारण अधिकार भारतीय खेलकुद च्यानल Dsport ले लिएको छ । यसको मतलब २०२० को ईपीएलको सबै खेल भारतीय खेलकुद च्यानल Dsport मा र्हेन सकिने छ ।

२०२० को ईपीएलका लागि टि– २० क्रिकेटमा नाम कमाएका थुप्रै विदेशी खेलाडीहरुलाई विभिन्न टिमहरुले टिममा भित्राएको छ ।

पहिलो पटक नेपालमा आएर ईपीएल खेल्ने विदेशी खेलाडिहरुको नाम यस प्रकारको रहेको छ ।

१. क्रिस गेल

वेस्टइंडिजका विस्फोटक ओपनिङ्ग ब्याट्सम्यान क्रिस गेल पहिलो पटक नेपालमा आएर कुनै लिग खेल्न गईरहेका छन । टि–२० क्रिकेटमा युनिभर्स बोस भनेर चिनिने क्रिस गेलले टि–२० क्रिकेटमा मात्रै २२ वटा सतक जडेका छन । उनले पोखरा रइनोजबाट यस बर्षको ईपीएल खेल्ने छन ।

२.ड्वायन स्मिथ

वेस्टइंडिजकै अर्का विस्फोटक ब्याट्सम्यान ड्वायन स्मिथले पनि यस बर्षको ईपीएल खेल्ने छन । उनले अहिलेसम्म ३३७ टि–२० खेल खेलेका छन जसमा उनले ५ सतक समेत जडेका छन । उनी ईपीएलमा भैरवा ग्याडियटर्सबाट खेल्ने छन ।

३. मोहम्मद शहजाद

अफगानिस्तानका विकेट–किपर ब्याट्सम्यान मोहम्मद शहजादलाई चितवन टाइगर्सबाट खेल्ने पक्का भईसकेको छ । उनले टि–२० क्रिकेटमा ३ हजार भन्दा बढि रन १३० को स्ट्राइक रेटले बनाएका छन ।

४. उपुल थरङ्गा

श्रीलंका क्रिकेट टिमका कप्तान समेत रहेका उपुल थरङ्गाले २०२० को ईपीएल ललितपुर प्याट्रियोट्सबाट खेल्ने छन । थरङ्गासँग १ सय भन्दा बढि टि–२० खेलको अनुभव रहेको छ ।

एभरेष्ट प्रमियर लिग को आधिकारिक वेबसाइटमा अरु विदेशी खेलाडिहरुको नाम पनि रहेको छ, तर ति विदेशी खेलाडीहरु कुन टिमबाट खेल्ने भन्ने टुङगो भने लागेको छैन । वेबसाइटमा राखीएका अरु विदेशी खेलाडिका नामहरु यसप्रकारका रहेका छन :

५. हासिम आमला (ब्याट्सम्यान दक्षिण अफ्रिका)
६. केस्रिक विलियम्स (बलर वेस्टइंडिज)
७. सिक्कुगेज प्रसन्ना (अलराउण्डर श्रीलंका)
८. लियम प्लेन्केट (बलर इंल्याण्ड)