हामी सबैकाे संसारन्यूज

काठमाडौं । लामिनार भिट्रिफाइड टायलले नेपालमै पहिलो किसिमको कोठा र बाथरूम मेक-ओभर अभियान “लामिनार–मेरो सपनाको घर” सार्वजनिक गरेको छ। अभियानको सिर्जनात्मक नेतृत्व मिस नेपाल–२०१६ तथा इन्टेरियर डिजाइनर अस्मी श्रेष्ठले गरिरहेकी छन्।

अभियान अन्तर्गत चयनित दुई नेपाली परिवारले आफ्नो घरको एक कोठा र बाथरूम पूर्ण रूपमा नि:शुल्क रूपान्तरण गराउने अवसर पाउनेछन्। यो मेक-ओभर परियोजना Metalwood Furniture, Kohler Sanitaryware, Brilliant Lighting र Emporios Furnishings जस्ता प्रतिष्ठित डिजाइन र लाइफस्टाइल ब्रान्डहरूको सहकार्यमा कार्यान्वयन हुनेछ।

अभियानमा कसरी सहभागी हुने?
भाग लिन इच्छुक व्यक्तिहरूले ३० सेकेन्डदेखि ३ मिनेटसम्मको भिडियो बनाउनेछन्, जसमा उनीहरूको कोठा र आवश्यक भए बाथरूम मेक-ओभरको योग्य किन छ भनेर देखाइनेछ। भिडियो TikTok, Instagram वा Facebook मा सार्वजनिक पोस्ट गरी @laminartiles लाई ट्याग गर्नु पर्नेछ र #LaminarMeroSapanakoGhar ह्यासट्याग प्रयोग गर्नुपर्नेछ।

छनोट प्रक्रिया
भिडियोहरूको मूल्यांकन लामिनार, यसको क्रिएटिभ एजेन्सी र परियोजनाका इन्टेरियर डिजाइनर अस्मी श्रेष्ठ सहितको आन्तरिक समितिले गर्नेछ। विजेताहरूको चयन कथाको प्रस्तुति, आवश्यकता, रचनात्मकता र सहभागिताका आधारमा हुनेछ।

घर मेक-ओभर प्याकेजमा समावेश हुने सुविधा
प्रत्येक विजेताले आफ्नो घरको रूपान्तरणमा प्रिमियम सामग्री, पूर्ण इन्टेरियर डिजाइन सेवा, र टर्नकी कार्यान्वयन प्राप्त गर्नेछन्। साथै, मेक-ओभरको सम्पूर्ण प्रक्रिया Before–During–After फोटो तथा भिडियो डकुमेन्टेशनमार्फत दस्तावेजीकृत गरिनेछ, जसले घरको परिवर्तन स्पष्ट रूपमा देखाउनेछ।

भिडियो अपलोड गर्ने अन्तिम मिति २०२६ जनवरी २ र विजेता घोषणा मिति २०२६ जनवरी ७ तोकिएको छ।

लामिनार र यसका सहकार्यी ब्रान्डहरूले राम्रो डिजाइन मार्फत नेपाली घरहरूलाई आकर्षक, उपयोगी र आरामदायी स्थानमा रूपान्तरण गर्न सकिन्छ भन्ने सन्देश दिन चाहेको बताएका छन्।