Sansar News
काठमाडौँ । साताको तेस्रो कारोबार दिन मंगलबार नेपाल स्टक एक्सचेन्ज (नेप्से) परिसूचकमा गिरावट आएको छ । आज नेप्से सूचक २१.१५ अंक (०.७८ प्रतिशत) ले घटेर २,६६३.१८ विन्दुमा झरेको हो ।
यस दिन बजारमा कूल ३४३ वटा कम्पनीका १ करोड ७ लाख ६१ हजार ३९६ कित्ता शेयर कारोबार हुँदा ४ अर्ब ७ करोड ८ लाख ५३ हजार ६ सइ १० रुपैयाँ बराबरको कारोबार भएको छ ।
आज कारोबारमा आएका कम्पनीमध्ये ५९ वटा कम्पनीको शेयरमूल्य बढेको छ भने २१३ वटा कम्पनीको शेयरमूल्य घटेको छ । ५ वटा कम्पनीको शेयरमूल्य भने स्थिर रहेको छ ।
मंगलबार कारोबार भएका सबै उपसूचकहरू ओरोले लागको छ । उत्पादन तथा प्रशोधन उपसूचक सबैभन्दा बढी १.३१ प्रतिशतले घटेको छ । त्यस्तै व्यापार १.१९ प्रतिशत, अन्य १.०४ प्रतिशत, जीवन बीमा ०.८२ प्रतिशत , बैंकिङ उपसूचक ०.८० प्रतिशत, लगानी ०.७२ प्रतिशत, लघुवित्त ०.७२ प्रतिशत, होटल तथा पर्यटन ०.६१ प्रतिशत, जलविद्युत् ०.५५ प्रतिशत, निर्जीवन बीमा ०.५४ प्रतिशत, विकास बैंक ०.५० प्रतिशत, म्युचुअल फण्ड ०.४४ प्रतिशत र वित्त ०.१४प्रतिशत ले ओरालो लागेका छन् ।
घट्दो बजारमा पनि ऐभरेष्ट कलर कम्पनीको शेयरमूल्य १५ प्रतिशतले बढेर १,७३१.४० रुपैयाँ पुगेको छ । त्यस्तै खानिखोला हाइड्रोपावर कम्पनी लिमिटेडको शेयरमूल्य १०.०७ प्रतिशत र जोशी हाइड्रोपावर को ५.२६ प्रतिशतले बढेको छ ।
दोस्रो बजारमा गुमाउनेतर्फ भने सप्तकोशी डेभलपमेन्ट बैंकका लगानीकर्ताहरू अगाडि रहेका छन् । कम्पनीको शेयरमूल्य १३.४३ प्रतिशतले घटेर ८३१.१० रुपैयाँमा झरेको छ । यसैगरी कुमारी बैंक डिबेन्चर ६.८३ प्रतिशत र गुडविल फाइनान्स डिबेन्चर ५.४६ प्रतिशतले घटेका छन् ।
कारोबार रकमका आधारमा आज खानिखोला हाइड्रोपावर अग्रस्थानमा रहेको छ । कम्पनीको ४० करोड ६६ लाख ९३ हजार ६४३ रुपैयाँ बराबरको शेयर कारोबार भएको छ ।
वि.सं.२०८३ साउन १९ मंगलवार १५:५७ मा प्रकाशित
