१५ जेठ, काठमाण्डौं । नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले गणतन्त्रले गुणात्मक परिवर्तनको प्रतिनिधित्व गरेको बताएका छन् ।
राजतन्त्रात्मक प्रणालीमा सामान्य मात्रात्मक सुधार मात्र होइन, गुणात्मक परिर्वतनको प्रतिनिधित्व गरेको बताएका हुन् ।
‘यो नयाँ राजनीतिक प्रणालीले देशका सम्पूर्ण उत्पीडित समुदायको अधिकार सहित राज्य सत्तामा समावेशी र समानुपातिक प्रतिनिधित्व सुनिश्चित गरेको छ ।’ अध्यक्ष प्रचण्डले भनेका छन् ।
उनले गणतन्त्र प्राप्तिका लागि लडेका सबै शक्तिहरू एकतावद्ध भई जन–अपेक्षा अनुसार सुशासन र विकासमा समर्पित हुनु आजको राष्ट्रिय आवश्यकता भएको समेत बताएका छन् ।
‘विश्वव्यापी महामारीका रुपमा फैलिएको कोरोना भाइरस (कोभिड –१९) को रोकथाम र उपचारका लागि अग्रमोर्चामा खटिनु हुने सम्पूर्णको उच्च प्रशंसा गर्दै यस ऐतिहासिक दिवसका अवसरमा सबैको सुस्वास्थ्य र प्रगतिको कामना गर्दछु ।’ अध्यक्ष प्रचण्डले शुभकामना सन्देशमा भनेका छन् ।
वि.सं.२०७७ जेठ १५ बिहीवार ०८:४४ मा प्रकाशित
