५ कात्तिक, रुपन्देही । रुपन्देहीको बुटवल उपमहानगरपालिकाका २ जनाको कोरोना संक्रमणबाट मृत्यु भएको छ ।
उपमहानगरपालिका वडा नं १७ का ८१ वर्षीय पुरुषको बुधबार विहान ५ बजे उपचारका क्रममा मृत्यु भएको हो ।
असोज २७ गते कोरोना पोजेटिभ भई कोरोना विशेष अस्पताल बुटवलमा उपचार गराइरहेका उनको बुधबार बिहान मृत्यु भएको लुम्बिनी प्रादेशिक अस्पतालले जनाएको छ ।
अस्पतालका अनुसार उनमा ज्वरो, मधुमेह, प्रेसर र स्वास प्रश्वासमा समस्या रहेको थियो ।
त्यसैगरी उपमहानगरकै वडा नं ११ निवासी ४७ वर्षीय पुरुषको पनि बुधबार बिहान १ः१० मा मृत्यु भएको अस्पतालले जनाएको छ ।
असोज २४ गते कोरोना पोजेटिभ देखिएपछि सोहिदिन कोरोना विशेष अस्पतालको सघन उपचार कक्षमा राखेर उपचार गरिएका उनको बुधबार बिहान मृत्यु भएको हो । उनमा ज्वरो र स्वासप्रश्वासको समस्या रहेको अस्पताले जनाएको छ ।
वि.सं.२०७७ कात्तिक ५ बुधवार १५:४७ मा प्रकाशित
