२३ मंसिर, काठमाडौं । कोरोना संक्रमणबाट गण्डकी प्रदेशमा थप १ जनाको मृत्यु भएको छ ।
प्रदेशको स्वास्थ्य निर्देशनालयका अनुसार पोखरा महानगरपालिकाका ६४ वर्षीय पुरुषको उपचारका क्रममा सोमबार ४ बजे मृत्यु भएको हो ।
मंसिर ११ गते कोरोना संक्रमण भएको पुष्टि भएपछि पोखरा स्वास्थ्य विज्ञान प्रतिष्ठानमा उपचार गराएका उनको सोमबार दिउँसो मृत्यु भएको हो ।
थप १ जनाको मृत्यु भएसँगै गण्डकी प्रदेशमा कोरोना संक्रमणबाट मृत्यु हुनेको संख्या १७२ पुगेको छ ।
त्यसैगरी आज ९६ जना नयाँ संक्रमित थपिएसँगै प्रदेशमा हालसम्म कोरोना संक्रमितको संख्या १२ हजार ८८० पुगेको छ ।
वि.सं.२०७७ मंसिर २३ मंगलवार १५:२४ मा प्रकाशित
