८ माघ, काठमाडौं । मानब अधिकार आयोगको अध्यक्ष हुँ अमेरिका पठाइदिन्छु भन्दै ठगी गर्ने एक व्यक्ति पक्राउ परेका छन् ।
आयोगको अध्यक्ष हुँ भन्दै परिचयपत्र समेत देखाएर ठगी गर्ने संखुवासभा पाँचखपन गाउँपालिका वडा नं ५ खमारे घर भइ हाल चावहिलको मित्रपार्क बस्ने ६० वर्षीय तुलसी थापा बुधबार दरबारमार्गबाट पक्राउ परेका हुन् ।
उनले अमेरिकामा हुने कार्यक्रममा जाँदा ५ वर्षको मल्टिपल भिसा लगाइ अमेरिका लैजान्छु भन्दै १५ लाख रकम ठगि गरेको प्रहरीको प्रारम्भिक अनुसन्धानमा खुलेको छ ।
त्यसैगरी उनीबाट ठगिएका अन्य व्यक्तिहरुले पनि कार्यालयमा सम्पर्क राख्न प्रहरीले अनुरोध गरेको छ ।
वि.सं.२०७७ माघ ८ बिहीवार १२:५९ मा प्रकाशित
