काठमाडौँ । नेपाली बजारमा आज पुनः सुनको मूल्यले नयाँ रेकर्ड कायम गरेको छ । आज सुनको मूल्य ६ सयले बढेर नयाँ रेकर्ड राखेको हो भने चाँदीको मूल्य पनि १५ रुपैयाँले बढेर हालसम्मकै उच्च भएको हो ।
नेपाल सुनचाँदी व्यवसायी महासँघका अनुसार आज छापावााला सुनको मूल्य एक लाख ३६ हजार २०० रुपैयाँमा कारोबार भईरहेको छ भने हिजो प्रतितोला १ लाख ३५ हजार ६०० रुपैयाँ कायम भएको थियो ।
त्यस्तै आज तेजावी सुनको मूल्य एक लाख ३५ हजार ५ सय ५० रुपैयाँमा कारोबार भइरहेको छ भने हिजो सुन प्रतितोला १ लाख ३४ हजार ९ सय ५० रुपैयाँमा कारोबार भएको थियो ।
त्यस्तै, चाँदी तोलामा १५ रुपैयाँले बढेको छ । चाँदी प्रतितोला एक हजार ६८५ रुपैयाँमा कारोबार भइरहेको छ ।
वि.सं.२०८० चैत २६ सोमवार ११:४९ मा प्रकाशित
