काठमाडौं । भारतको नैनीतालमा भएको जिप दुर्घटनामा सात नेपालीको मृत्यु भएको छ ।
भारतीय समाचार ऐजेन्सीहरुका अनुसार सोमबार राति नेपाली कामदार चढेको उक्त जिप दुर्घटनामा ६० वर्षीय गोपाल, ५५ वर्षीय उदयराम चौधरी ५० वर्षीय शिवराम चौधरी, ४५ वर्षीय तिलक चौधरी, ४५ वर्षीय धिरज, ४० वर्षीय अनन्तराम चौधरी र ३८ वर्षीय विनोद चौधरी रहेको भारतीय संचारमाध्यमले जनाएका छन् ।
कामबाट नेपाली श्रमिक बोकेर घर फर्किंदै गरेको उक्त जिप झण्डै दुईसय मिटर तल खसेको थियो । उक्त दुर्घटनामा एक भारतीय नागरिकको पनि मृत्यु भएको र छोटु चौधरी र जनक भन्ने घाईते रहेको जनाइएको छ ।
मृतकहरुको नेपालको ठेगाना भने पत्ता लागिसकेको छैन । जिप चालक ३८ वर्षीय हरिशरामले अनियन्त्रित भएका कारण जिप भीरबाट खसेको बयान दिएका छन् ।
वि.सं.२०८० चैत २७ मंगलवार १३:१० मा प्रकाशित
