२८ असार । सिङ्गापुरमा आयोजना हुने आइसिसी टी–ट्वान्टी विश्वकप एशिया छनोटको तयारीमा रहेको नेपालले आजको खेलमा मलेसियाविरुद्ध सहज जित हाँसिल गरेको छ । मलेसियाविरुद्धको पहिलो खेलमा कप्तान पारस खड्काले ब्याटिङ गर्दै कीर्तिमानी इनिङ खेलेपछि नेपालले ७ विकेटको सहज जित हाँसिल गरेको हो ।
१ सय २९ रनको विजयी लक्ष्य पछ्याएको नेपालले १८ ओभर ३ बलमा ३ विकेटको क्षतिमा भेटायो । टी ट्वान्टीआईमा यो विकेटका हिसाबले नेपालको सर्वाधिक ठूलो जित पनि हो ।
योसँगै नेपालले दुई टी ट्वान्टी सिरिजमा १–० को अग्रता लिएको छ । नेपालले दोस्रो खेल आइतबार खेल्ने छ ।
पारसको अर्धशतक
कप्तान पारस खड्काले आजको खेलमा दुई किर्तिमानी बनाएका छन् ।
एकै इनिङमा सर्वाधिक रन स्कोर गर्ने खेलाडी बनेका छन् भने टि–२० मा दुई अर्धशतक प्रहार गर्ने नेपालका एक्लो खेलाडी बनेका छन् । उनले नेपालका लागि ५० बलमा ८ चौका र ५ छक्काको मद्दतमा नटआउट ८६ रन बनाए ।
त्यस्तै शरद भेषाकरले १६, ज्ञानेन्द्र मल्लले ७, प्रदीप ऐरीले ८ र रोहित कुमार पौड्यालले ५ रन बनाए ।त्यसअघि किनारारा ओभल क्रिकेट मैदानमा टस जितेर पहिला ब्याटिङ थालेको मलेसियाले निर्धारित २० ओभरमा ९ विकेटको क्षतिमा १ सय २८ रन बनाएको थियो । उसका लागि ओपनर विरनदीपले सर्वाधिक ५७ रनको महत्वपूर्ण योगदान दिएका थिए ।
त्यसअघि किनारारा ओभल क्रिकेट मैदानमा टस जितेर पहिला ब्याटिङ थालेको मलेसियाले निर्धारित २० ओभरमा ९ विकेटको क्षतिमा १ सय २८ रन बनाएको थियो । उसका लागि ओपनर विरनदीपले सर्वाधिक ५७ रनको महत्वपूर्ण योगदान दिएका थिए ।
सिङ्गापुरमा आगामी साउन ६ देखि १२ गतेसम्म आइसिसी टी–ट्वान्टी विश्वकप एशिया छनोटमा नेपालसहित आयोजक सिङ्गापुर, मलेसिया, कतार र कुवेत भिड्ने छन् । नेपालले पहिलो खेल आगामी साउन ७ गते कतारसँग खेल्नेछ । यस्तै साउन ८ मा मलेसियासँग, ११ गते कुवेत तथा १२ गते सिङ्गापुरसँग खेल्नेछ । शीर्ष स्थान हासिल गर्ने टोलीले विश्वकपको ग्लोबल छनोट खेल्नेछ । ग्लोबल छनोट अक्टोबर ११ देखि नोभेम्बर ३ तारिखसम्म संयुक्त अरब इमिरेट्स (युएई) मा आयोजना हुँदैछ ।
वि.सं.२०७६ असार २८ शनिवार १३:४७ मा प्रकाशित