१९ कार्तिक , काबुल । युद्धग्रस्त मुलुक अफगानिस्तानमा स्कुल जाँदै गरेका बालबालिका बारुदी सुरुङ बिस्फोटमा परेका छन्न् । प्रहरीका अनुसार शनिबार भएको बिस्फोटबाट प्राथमिक स्कुलका नौ जना बालबालिकाको मृत्यु भएको छ ।
यो बिस्फोट अफगानिस्तानको तखार प्रान्तको उत्तरपश्चिमी क्षेत्रमा भएको थियो । अफगानिस्तानमा शनिबार पनि स्कुल खुल्ने गर्दछ । प्रान्तिय प्रहरीका प्रवक्ता खलिल आसिरले तखार प्रान्तमा तालिबान निकै सक्रिय रहेको जानकारी दिँदै सरकारी फौजले प्रान्तमा पछिल्लो समय सुरक्षा कारबाहीलाई तीव्र बनाएको बताए । उनले सरकारी फौजलाई लक्षित गरी बारुदी सुरुङ बिछ्याएको हुन सक्न बताए ।
उक्त घटनामा मारिएका बालबालिका नौदेखि १२ वर्षका रहेको प्रहरीले जनाएको छ । प्रहरी प्रवक्ता आसिरले मारिने चार जना बालबालिका तालिबान समूहमा आबद्ध परिवारकै रहेको जानकारी दिऐ । तालिबानले भने उक्त घटनाका बारेमा केही बताएको छैन ।
वि.सं.२०७६ कात्तिक १९ मंगलवार ०९:०७ मा प्रकाशित
