हामी सबैकाे संसारन्यूज

काठमाडौं । महालक्ष्मी विकास बैंकले महोत्तरीको मटिहानीका आगलागि पिडितलाई राहात सामाग्री वितरण गरेको छ । बैंकले गत बुधबार भएको आगलागिका कारण घरबार विहीन भएका १५० घर परिवारका करिब ५४५ जनालाई राहत सामाग्री वितरण गरेको हो ।

बैंकले उक्त राहत सामाग्री संस्थागत सामाजिक उत्तरदायित्व अन्तर्गत वितरण गरेको जनाएको जनाएको छ । राहातमा आटा, चामल, दाल, तेल, नुन, नुहाउने र लुगा धुने साबुन र चाउचाउ लगायतका खाद्यान्नहरु सहयोग गरेको हो ।

उक्त आगलागिमा परि १०० भन्दा बढी घर पूर्णरूपमा जलेर नस्ट भएका थिए भने ५० जति अन्य घरमासमेत क्षति पुगेको थियो । आगलागिका कारण १५ करोडभन्दा बढीको धनमाल क्षति भएको अनुमान गरिएको छ ।

शनिबार मटिहानी नगरपालिकाका मेयर हरिप्रसाद मण्डल र बैंकको मधेस प्रादेशिक कार्यालयका प्रमुख सुदिप चन्द« पोखरेलले जनकपुर शाखाका कर्मचारीहरुको सहभागितामा पिडित परिवारहरुलाई उक्त राहत सामाग्री हस्तान्तरण गरेका थिए । थियो ।

बैंकले गरेको उक्त सहयोगले असहज परिस्थितिमा ती परिवारहरुको आधारभूत आवश्यकता पूरा गर्न थोरै भएपनि मद्दत पुग्ने विश्वास लिइएको जनाएको छ ।

“सबल बैंक, सफल सहकार्य” को नारालाई आत्मसाथ गर्दै नेपाली जनताको घरदैलोमा विगत २९ वर्ष देखि अनवरत रुपले गुणस्तरीय वित्तीय सेवा प्रदान गर्दै आएको यस बैंकले आगामी दिनहरुमा पनि सामाजिक उत्तरदायित्व कार्यक्रम अन्तर्गत सामाजिक, आर्थिक रुपान्तरणका लागि विभिन्न कार्यक्रमहरु निरन्तर रुपमा सञ्चालन गर्ने जनाएको छ ।