Sansar News
अमृता रामदाम,
भरतपुर २, चितवन
समय घाती
आयु पनि नपुग्दै
लग्यो समाती । १।
केपो लाने हो
कर्कालाको पानी झैँ
ढल्की जाने हो ।२ ।
दम्भ नगर
स्वार्थी छ यो दुनियाँ
भर नपर ।३।
अनौठो भयो
आफन्त नै पैसामा
बिक्दै पो गयो । ४ ।
स्वार्थी दुनियाँ
लोभी पापी भएरै
बने खुनिया । ५।
भयो बन्धन
सन्यासी भै लगाउँ
गेरु चन्दन । ६।
माता पिताको
गरौं उनै दर्शन
राम सीताको ।७।
सेवा सत्कार
मानवीय सोंचको
राखौं संस्कार ।८।
देश बचाउ
आपसमा सबैका
गल्ती सच्याउ ।९।
नाम नफाल
जिन्दावाद गोर्खाली
जय नेपाल ।१०।
वि.सं.२०८३ असार २० शनिवार ०९:२९ मा प्रकाशित
