हामी सबैकाे संसारन्यूज

कनकधारा स्वामी स्वदेशानन्द
गुवाहाटी,असम

ढाँटेकै मात्र पत्यायो मेरो जाति समाजले,
ढाँटोस् लुटोस् सधैऺ भन्छ मेरो जाति समाजले|
सत्यऺ जनविरोधाय असत्यऺ जनरञ्जने,
भने जति सबै मान्छ मेरो जाति समाजले||०१||

ढाँटेकै रसिलो राम्रो मेरो जाति समाजमा,
ढाँट्ने नै गतिलो हुन्छ मेरो जाति समाजमा।
ढाँट्नेमैऺ छ ठुलो आस्था ढाँट्नेमैऺ छ समर्पण,
ढाँटै हुन्छ सधैऺ पूज्य मेरो जाति समाजमा।|०२||

ढाँट्ने उद्देश्यले आए मेरो जाति समाजमा,
हुन्छ स्वागत सम्मान मेरो जाति समाजमा।
देखाई कृष्णको फोटो मुहम्मद पुजे पनि,
ठूलो सनातनी हुन्छ मेरो जाति समाजमा।|०३|

तर्क सर्क छँदै छैन मेरो जाति समाजमा,
भेडोझैऺ जनता लाग्छन् मेरो जाति समाजमा।
ढाँट्नेकै भरमा हुन्छन् विद्वान् ज्ञानी गुनी पनि,
ढाँट्नेकै आरती हुन्छ मेरो जाति समाजमा।|०४||

ढाँट नै बस्छ सत्तामा ढाँटकै उच्च आसन,
ढाँट नै गतिलो गर्छ गरिमामय भाषण|
पितृका नाउँमा ढाँटोस् ढाँटोस् कृष्ण भनीकन,
ढाँट्नेकै गुण गाइन्छ मेरो जाति समाजमा।|०५||

ढाँटोस् साहित्यमा ढाँटोस् कला सङ्गीतमा पनि,
ढाँटोस् पौवा र पाटीमा ढाँटोस् उब्जनीमा पनि|
ढाँटोस् बजार बस्तीमा ढाँटोस् बेँसी र लेकमा,
ढाँटै राजा हुने गर्छ मेरो जाति समाजमा।|०६||

छन्द : अनुष्टुप