Sansar News
ईश्वर साउँद(भिक्षु)
रामाराेशन गापा ६ अछाम
सदूरपश्चिम प्रदेश
१
असारै महिनामा हिलो
राेप्न धान खेतमा
कदापि नगरौँ ढिलो।
२
अवस्था फेरिने दाउमा
अहोरात्र खट्छन् किसान
भ्रष्ट साहुको नाउँमा।
३
सबै बचाउने किसान
सारा मानिस जोगाउने
राखौँ किसानको मान।
४
कुरा गरेर होइन
अब काम चाहिन्छ
अवस्था पहिलेझैँ रहिन।
५
कृषि र किसान
हुन् हाम्रा सम्पत्ति
हुनुपर्छ यिनको मान।
६
गमलामा धान राेपेर
सरकार प्रगति गर्याे
समस्यामा समस्या थपेर।
७
जन्मायौ समस्या आफैँले
ठूलो भएर देशको
सुध्रिएको देखिनंँ मैले ।
८
शुभकामना असार पन्ध्रको
सप्रियोस् सबै खेतीबारी
दिन आउन हर्षको ।
९
हलाे र जुवा
हुन् गहना किसानको
बुझिदेऊ न सुवा।
१०
रमाउँदै असार पन्द्रमा
छुपुछुपु रोपौँ धन
गएर साथीभाइ पर्ममा !
वि.सं.२०८३ असार २० शनिवार ०९:२४ मा प्रकाशित
