हामी सबैकाे संसारन्यूज

काठमाडौं । नेपाल प्रज्ञा प्रतिष्ठानले आयोजना गर्न लागेको गजल दिवसका सम्बन्धमा गजल प्रवद्र्धन केन्द्र नेपालले सुझाव दिएको छ ।

प्रतिष्ठानकोे साउन २८ गते बसेको बैठकले नेपाली गजलका जनक युवा कवि मोतीराम भट्टको जन्मजयन्तीका अवसर पारेर आयोजना गर्न लागेको राष्ट्रिय गजल दिवसका विषयमा बुँदागत रुपमा केही सुझाव दिएको हो ।

केन्द्रले निश्चय पनि नेपाली गजलका पिता मोतीराम भट्टको सम्झनासहित गर्न लागिएको राष्ट्रिय गजल दिवसले समग्र गजल प्रेमीहरुमा हर्षेल्लास सञ्चार गरिदिएको विश्वास गरेको बताएको छ । साथै मोतीराम भट्टले भित्राएको गजल विधाले यथोचित स्थान प्राप्त गरी नेपाली भूमिमा प्रयाप्त साधनको अवसर पाउने छ र छिट्टै यसले अन्तराष्ट्रिय मान्यता पाउने विश्वास समेत केन्द्रको रहेको छ ।

‘यद्यपी त्यसको निम्ति गजल क्षेत्रमा भइरहेको बेथिति र विसंङ्गतिहरुलाई हटाएर शुद्धिकरण भने हुनैपर्छ । गजलको सिद्धान्त विपरीतका सिर्जनालाई हामीले गजल भन्न छोड्नुपर्छ र दशकौसम्म भड्किएको नेपाली गजल क्षेत्रलाई सही दिशा दिनुपर्नेछ ।’ केन्द्रद्धारा जारी विज्ञप्तिमा भनिएको छ ।

‘वर्तमान प्रज्ञा नेतृत्वले गजल क्षेत्रको यावत् समस्यालाई पहिचान गरी अघि बढाउला ? सबैको जिज्ञासु नजर एकपटक फेरि प्रज्ञातर्फ केन्द्रीत भएका छन् ।’ केन्द्रले भनेको छ ।