हामी सबैकाे संसारन्यूज

७ बैशाख, कालिकोट । कर्णाली प्रदेशको रास्कोट नगरपालिका कालिकोटले देशभरी रहेका आफ्ना नागरिकको लागि बलियो अभिभावकको भूमिका  निभाउने प्रयासमा लागेको छ ।

त्यसो त रास्कोट नगरपालिकाको विकास तथा कोही पनि बेरोजगार नबसुन् भनेर गतवर्ष २ हजार जनालाई तालिम दिएर देशैभरीमा पहिलो ‘श्रम बैक’ को स्थापना गरेर देशभरी उदाहरणीय बनेका नगरप्रमुख काशीचन्द्र बरालले लकडाउनका कारण देशका विभिन्न स्थानमा अलपत्र परेका आफ्ना नागरिकलाई उद्धार कार्यको थालनी सुरु गरेका छन् ।

नगरप्रमुख बरालले शनिबार एक सूचना जारी गर्दै देशका विभिन्न स्थानमा अलपत्र परेकाहरुका लागि उद्धारको व्यवस्थापन गर्नका लागि यस्तो कार्यको थालनी गरेका हुन् । ‘जो महानुभाव अलपत्र र जोखिममा हुनुहुन्छ उहाँहरुले आफ्नो हाल वसोवास गरेको ठेगाना, आफूसँग रहेका मानिसहरुको संख्या र सम्पर्क नम्बर सहित आफ्नो समस्याको स्थिति तपशिल बमोजिमको सम्पर्क नम्बरहरुमा जानकारी गराउनु हुन यो सूचना जारी गरिन्छ ।’ उक्त सूचनामा भनिएको छ ।

अलपत्र र समस्या परेकाहरुले नगरपालिकाले दिएको ९८४८५७२६२६ र ९८४८३०५८०९  नम्बरमा सम्पर्क गर्न सक्ने छन् ।