१८ फागुन, काठमाडौँ । कोरोना भाइरस (कोभिड–१९)का आगामी कारण २०७८ सालको शैक्षिक सत्र छोटिने भएकाे छ।
कोरोनाका कारण बिग्रेको शैक्षिक सत्रलाई समयमै व्यवस्थापन गर्न सरकारले १० महिनाभित्र शैक्षिक सत्र सक्ने निर्णय गरेको छ ।आगामी २०७८ सालको विद्यालय तहको शैक्षिक सत्र १० महिनाभित्र व्यवस्थापन गर्नुपर्ने बाध्यताका कारण सरकारले उक्त निर्णय गरेको शिक्षा तथा मानव स्रोत विकास केन्द्रका निर्देशक गणेश पौडेलले जानकारी दिए ।
पौडेलका अनुसार २०७८ सालको शैक्षिक सत्र आगामी असार १ मा सुरु भई सोही सालको चैत मसान्तभित्र पूरा गर्नुपर्नेछ ।विद्यार्थीको समयको क्षतिलाई न्यून गर्दै शैक्षिक सत्र मिलाउने तयारीअनुसार नै सरकारले आगामी शैक्षिक सत्र १० महिनामा पूरा गर्ने निर्णयमा पुगेको पनि पौडेलले जानकारी दिए ।
यसको कार्यान्वयन स्थानीय तहमार्फत विद्यालयले गर्ने जानकारी दिँदै निर्देशक पौडेलले शैक्षिक सत्र कसरी पूरा गर्ने भन्ने विस्तृत योजना असार १ गतेअघि नै सार्वजनिक गरिने बताए ।
वि.सं.२०७७ फागुन १८ मंगलवार १०:१४ मा प्रकाशित