३१ चैत, काठमाडौं । इंग्लिस प्रिमियर लिगमा म्यानचेस्टर युनाइटेडले टोटेनहमलाई पराजित गरेको छ । खेलमा पहिला अग्रता लिएपनि टोटेनहामले हार व्यहोरेको हाे।
आइतबार राति भएको खेलमा युनाइटेडले टोटेनहमलाई ३-१ गोलले हरायो। खेलको ४० औँ मिनेटमा सनले गोल गर्दै टोटेनहामलाई अग्रता दिलाएपनि दोस्रो हाफमा समालिन नसक्दा हार व्यहोरेको हो । युनाइटेडका लागि खेलको ५७ औँ मिनेटमा फ्रेडले गोल गर्दै खेलमा फर्काएका थिए । त्यस्तै ७९ औँ मिनेट काभानीले र इन्जुरी टाइमको छैटौं मिनेटमा ग्रिनउडले गोल गर्दा युनाइटेड विजयी बन्यो ।
जितसँगै पहिलो स्थानमा रहेको सिटी र एक खेल कम खेलेको युनाइटेड बिच ११ अंकको अन्तर रहेको छ ।
वेस्टह्यामको लय कायम
यो सिजन सुधारिएको प्रदर्शन गर्दै आएको वेस्टह्यामले बलियो प्रतिद्धन्द्धी लेस्टर सिटीलाइ पराजित गर्दै चौथौ स्थानमा रहन सफल भएको छ ।
वेस्टह्यामले लेस्टरलाई ३-२ गोल अन्तरले पराजित गरेको हो । वेस्टह्यामको जितमा लिङगार्डले २९ र ४४ औँ मिनेटमा गोल गरेभने खेलको ४८ औँ मिनेटमा बुवेनले गोल गरेका थिए ।
खेलको दोस्रो हाफमा लेस्टरका लागि कैलिची इहानाचोले ७० औँ र ९१ औँ मिनेटमा गोल गरेपनि हार टार्नभने सकेनन् । हाल प्रिमियर लिगको शीर्ष स्थानमा म्यान्चेष्टर सिटीं(७४), दोस्रोमा म्यान्चेष्टर युनाइटेड(६३), तेस्रोमा लेस्टर सिटी(५६) र चौथोमा वेस्टह्याम (५५) रहेको छ ।
वि.सं.२०७७ चैत ३० सोमवार १३:२१ मा प्रकाशित
