हामी सबैकाे संसारन्यूज

१ असार, काठमाडौं । बाढी र पहिरोका कारण विभिन्न ठाउमा सडक अवरोध हुनुका साथै क्षति भएको छ ।

बाढीका कारण, पाल्पा, प्युठान, रसुवा, र्बैतडी लगायतका विभिन्न जिल्लामा क्षति पुगेको छ ।

प्रहरीका अनुसार प्युठान, सरूमारानी गाउँपालिका–४ खहरेखोलास्थित भालुवाङ–प्युठान सडक, बैतडीको पुर्चौडी नगरपालिका–६ स्थित खोड्पे–बझाङ सडक, रसुवा, गोसाईकुण्ड गाउँपालिका-५ स्याफ्रुस्थित पासाङ ल्हामु (धुन्चे–स्याफ्रुवेशी–टिमुरे) सडकमा मंगलबार बिहान पहिरो खस्न गई बाटो पूर्णरुपमा अवरोध भएको छ ।

मकवानपुर, ईन्द्रसरोबर गाउँपालिका-२ झरनाखोल्सास्थित महालक्ष्मी खोला र झरना खोल्सामा सोमबार राति आएको बाढीले बगाई बाटो निर्माणमा प्रयोग हुने सामग्री १ थान मिक्चर, पानी बोक्ने ट्याङ्कर र ५ क्विन्टल रड तथा मर्मत गरिरहेको बाटो अन्दाजी १ सय ५० मिटर सहित बगाई क्षति भएको छ ।

त्यस्तै डोटीको जोरायल गाउँपालिका वडा नं १ मा पनि सडकमाथिबाट खरेको पहिरोका कारण सडक अवरुद्ध भएको पनि प्रहरीले जनाएको छ । साथै पाल्पाको डुम्रे नजिक तानसेन– बुटवल सडकखण्ड पनि पहिरोका कारण अवरुद्ध भएको छ ।