काठमाडौँ । नेपाल बुद्धिजीवी परीषद्को संयोजकमा लक्ष्मण कुँवर (Laxman Kunwar) चयन भएका छन् ।
नेपाल कम्युनिस्ट पार्टी पार्टी (एकीकृत समाजबादी)का अध्यक्ष तथा पुर्वप्रधानमन्त्री माधवकुमार नेपालको प्रमुख आतिथ्यता तथा प्रमेश हमालको विशिष्ट आतिथ्यतामा सम्पन्न बैठकले परीषद्का वरिष्ठ उपाध्यक्ष लक्ष्मण कुँवरको संयोजकत्वमा १०१ सदस्यीय राष्ट्रिय अधिबेशन आयोजक समिति गठन गरेको जनाइएको छ ।
सो बैठकले सात वटै प्रदेशका लागि इन्चार्ज तोकी प्रदेश र जिल्लाहरुमा बुद्धिजीवी परिषद्का कमिटीहरु गठन गरी आगामी मङ्सिर भित्र जिल्ला, प्रदेश र राष्ट्रिय अधिवेशन सम्पन्न गर्ने निर्णय गरेको बताइएको छ ।
सो परीषद्का पुर्व उपमहासचिव केवि खडकाका अनुसार बर्षसम्म बैठक नबसाली अस्तित्वबिहिन बनाइएको परिषद्लाई बरिस्ठ उपाध्यक्षको पहलमा बिधिसम्मत बहुसंख्यक सदस्यको उपस्थितिमा बिस्तारित भेला सम्पन्न गरि परीषद् अगाडि बढीसकेको छ ।
ओलीको कदमलाई प्रतिगामी भन्दै सडक संघर्षमा समेत आएका बुद्धिजीवीहरुमध्येका १० जनालाई कारबाही गरिएको समाचार यसअघि सम्प्रेषण गरिएकोप्रति परिषद्ले विरोध जनाएको छ ।
वि.सं.२०७८ असोज २६ मंगलवार २०:१३ मा प्रकाशित