काठमाडौं । कतारका राजा अमिर शेख तमिम बिन हमाद अल थानी र प्रधानमन्त्री पुष्पकमल दाहाल ‘प्रचण्ड’ बीच भेटवार्ता भएको छ ।
राष्ट्रपति रामचन्द्र पौडेलको निमन्त्रणामा मंगलबार नेपाल भ्रमणमा आएका कतारका राजा थानीबीच होटल सोल्टीमा भेटवार्ता भएको हो ।
उक्त भेटका क्रममा द्धिपक्षीय सम्झौता र समझदारी पत्रमा हस्ताक्षर हुने बताइएको छ ।
उक्त भेटघाटपछि प्रधानमन्त्री प्रचण्डद्वारा होटल द्धारिकामा आयोजित दिवाभोजमा राजा थानीसहित कतारको अन्य टोली सहभागी हुने बताइएको छ । राजा थानी सहितको टोली आजै कतार फर्किने छ ।
राजा थानीले मंगलबारै राष्ट्रपति रामचन्द्र पौडेलसँग भेटवार्ता गर्नुका साथै शितल निवासमा आयोजित रात्रिभोजमा पनि सरिक भएका थिए ।
वि.सं.२०८१ वैशाख १२ बुधवार ११:०८ मा प्रकाशित
