काठमाडौं । कर्णाली प्रदेशका मुख्यमन्त्री यमलाल कँडेलले विश्वासको मत प्राप्त् गरेका छन् ।
विहीबार बसेको प्रदेश सभाबाट कंडेलले २३ मत प्राप्त गरेका हुन् । ४० सदस्यीय प्रदेश सभामा ३५ जना सांसद उपस्थित रहेकोमा कंडेलले २३ जनाबाट विश्वासको मत पाएका हुन् ।
कंडेलले मागेको विश्वासको मतको पक्षमा २३, विपक्षमा ११ र एकजना सांसद तठस्थ बसेका थिए ।
कूल ४० सदस्यीय सभामा नेपाली कांग्रेसका १४, माओवादी केन्द्रका १३, नेकपा एमालेका १० जना र राष्ट्रिय प्रजातन्त्र पार्टी, एकिकृत समाजवादी र स्वतन्त्रका एक÷एक सांसद छन् । आजको सभामा विश्वासको मतदिने क्रममा राप्रपाका सांसद तटस्थ बसेका थिए ।
नेकपा एमाले कर्णाली प्रदेश संसदीय दलका नेता कँडेलले गत चैत २७ गते प्रदेश प्रमुख तिलक परियारबाट मुख्यमन्त्रीमा नियुक्त भएका थिए । मुख्यमन्त्री नियुक्त भएपनि उनले मन्त्रिपरिषद्लाई पूर्णता भने दिन सकेका थिएनन् ।
बिहीबार मुख्यमन्त्री कँडेलले विश्वासको मत पाएसँगै मन्त्रिपरिषद्ले पूर्णता पाउने विश्वास गरिएको छ ।
वि.सं.२०८१ वैशाख १३ बिहीवार १७:४७ मा प्रकाशित