हामी सबैकाे संसारन्यूज

काठमाण्डौ महानगरपालिकाका मेयर बालेन्द्र शाह(बालेन)ले काठमाण्डौ महानगरभित्रका ५२ अस्पतालका ३७४ बेडबाट निःशुल्क उपचार लिन देशैभरका नागरीकलाई आग्रह गरेका छन ।

उनले जारी गरेको सार्वजनिक सुचनामा भनिएको छ ‘ नेपालको जुनसुकै पालिकाको भए पनि अशक्त र गरिब नागरिक बिरामीहरूले आफ्नो पालिकाबाट विपन्न, असहायको सिफारिस लिएर काठमाडौँ महानगर आउनुहोला । हामीसँग ५२ अस्पतालका ३७४ बेड आवद्ध छन् । त्यहाँ बिरामीको आवश्यकता अनुसार निःशुल्क उपचार हुनेछ ।’

यो सूचनाबाट कोहि अनविज्ञ नहुन भन्दै उनले भनेका छन् ‘तपाईको टोल छिमेक वा आफन्तहरू यो वर्गमा पर्नुहुन्छ भने काठमाडौँ महानगर स्वास्थ्य विभागको सम्पर्क न ११८० खबर गरिदिनुहोला । ’

शुरुमा महानगरवासिलाई मात्र भनेर प्रचार भएको अवस्थामा प्रमुख शाहले बिपन्न र असाहयको शिफारीस भएका सबै नागरीकले यो सुबिधा पाउने भनेपछि बालेन देशैभरी हाईहाई भएका छन ।

काठमाण्डौ महानगर स्वास्थ्य विभागको आधिकारीक सूचनामा भनिएको छ ‘नेपालको संविधान २०७२ को धारा ३५ ले व्यवस्था गरेको प्रत्येक नागरिकलाई राज्यबाट आधारभूत स्वास्थ्य सेवा निःशुल्क प्राप्त गर्ने हक हुने, कसैलाई पनि आकस्मिक स्वास्थ्य सेवाबाट बन्चित नगरिने र प्रत्येक नागरिकलाई स्वास्थ्य सेवामा समान पहुँचको हक हुने भन्ने संवैधानिक व्यवस्था रहेको छ । काठमाडौं महानगरपालिका जनस्वास्थ्य ऐन २०८० को दफा २८ अनुसार काठमाडौं महानगरपालिका क्षेत्र भित्र रहेका अस्पतालहरुले विपन्न, असहाय र वेवारिसे नागरिकहरुलाई कुल शैयाको १० प्रतिशत विरामिलाई लाग्ने सम्पुर्ण उपचार खर्च निःशुल्क गर्नुपर्ने कानूनि व्यवस्था गरेको छ । नेपाल सरकारको स्वास्थ्य संस्था संचालन मापदण्ड २०७७ को दफा ७० घ मा समेत सो सम्बन्धि व्यवस्था गरेकाले नेपालभरका उक्त वर्गमा पर्ने नागरिकहरुलाई काठमाण्डौ महानगरपालिका क्षेत्र भित्रका अस्पतालहरुमा निःशुल्क उपचार सेवा प्रभावकारी, पहूचयोग्य र पारदर्शी बनाउने उद्देश्यले यो अनलाइन प्रणालिको विकास गरिएको हो ।

के के कागज चाहिन्छ त ?
विपन्न र असाहय बिरामीले निशुल्क उपचार सेवा लिनका लागि चाहिने आवश्यक कागजात बारे पनि बिभागले प्रष्ट जानकारी दिएको छ ।
१. नेपाल सरकार/ प्रदेश सरकार/ स्थानिय सरकारले लक्षित वर्ग हो भनी जारि गरेको कागजात/ परिचय पत्र वा,
२. राष्ट्रिय परिचयपत्र/नेपाली नागरिकता प्रमाण पत्र/ जन्मदर्ता प्रमाणपत्र प्रतिलिपी र हालसालै खिचिएको फोटो र,
३. रोग पहिचान भए सोको कागजपत्र र,
४. अनुसूची–५ को आधारमा सम्बन्धीत स्थानिय तहको वडाले लक्षित वर्ग हो भनी अनुसूची– ४ अनुसारको सर्जमिन गरेको कागज र,
५. सम्बन्धीत स्थानिय तहको वडा कार्यालयले उपचारको लागी अनुसूची– ३ अनुसारको सिफारिस गरेको पत्र,
बिभागका अनुसार आकस्मिक कक्षमा आएका बखत उपचार खर्च नभएका गरिव, बिपन्न तथा वेवारिसे विरामिलाई सबै अस्पतालले प्रारम्भिक स्वास्थ्य उपचार निशुल्क प्रदान गर्नु पर्नेछ ।

यी हुन ५२ अस्पताल र संपर्क बिबरण