काठमाडौं । उपेन्द्र यादव नेतृत्वको जनता समाजवादी पार्टीमा विभाजन आएको छ ।
सो पार्टीका नेता अशोक राई समूहले पार्टीमा आफ्नो आधिकारीकता दावी गर्दै निर्वाचन आयोगमा निवेदन समेत दिइसकेका छन् ।
अध्यक्ष यादव अमेरिका भ्रमणमा रहेका बेला असन्तुष्ट पक्षका सातजना अशोक राई, प्रदीप यादव, नोबलकिशार साह, सुडी, रञ्जु झा, विरेन्द्र महतो, हसिना खान र सुशीला श्रेष्ठसहितका सांसद आधिकारीकता दावी गर्दै निर्वाचन आयोगमा पुगेको बताइएको छ ।
त्यस्तै उपेन्द्र यादवको साथमा यादवसहित प्रकाश अधिकारी, राजकिशोर यादव, रेखा यादव रहेका छन् भने अर्का सांसद दीपक कार्कीको नाम निवेदन दिनेमा भए पनि हस्ताक्षर नभएको बताइएको छ ।
वि.सं.२०८१ वैशाख २३ आइतवार १८:२९ मा प्रकाशित
