काठमाडौं । परराष्ट्रमन्त्री नारायणकाजी श्रेष्ठको निमन्त्रणामा नेपाल भ्रमणमा आएकी जापानकी विदेशमन्त्री खामीखावा योको एक दिने भ्रमणका लागि नेपाल आईपुगेकी छिन् । उनिलाई त्रिभुवन अन्तर्राष्ट्रिय विमानस्थलमा परराष्ट्र सचिव सेवा लम्सालले स्वागत गरेकी हुन् ।
आज उनले २ः३० बजे काठमाडौँ दरबार क्षेत्रको भ्रमणमा जाने कार्यक्रम तय भएको छ ।त्यसपछि दिउँसो ३ बजे परराष्ट्र मन्त्रालयमा समकक्षी श्रेष्ठसँग द्विपक्षीय भेटवार्ता गर्ने कार्यक्रम छ ।
खामीखावा र श्रेष्ठबीचको द्विपक्षी भेटवार्ता पश्चात उनिले ३ः३० बजे मण्डला बुक प्वाइन्टको अवलोकन गर्ने छिन । उनि ४ बजे प्रधानमन्त्री पुष्पकमल दाहाल प्रचण्डसँग सिंहदरवारस्थित प्रधानमन्त्री तथा मन्त्रीपरिषद्को कार्यालयमा शिष्टाचार भेटघाट गर्ने कार्यक्रम रहेको छ ।
प्रधानमन्त्री प्रचण्डसँगको उनी उपप्रधानमन्त्री तथा परराष्ट्र मन्त्री श्रेष्ठले उनकोे सम्मानमा रात्रिभोजको आयोजना गरेका होटल सोल्टीमा सहभागी हुने छिन् । त्यसपछि साँझ ७ बजे उनी राष्ट्रपति रामच्द्र पौडेलसँग भेटघाट गर्ने शीतल निवास पुग्ने कार्यक्रम रहेको छ । छ । भ्रमण सम्पन्न गरी आजै राति १० बजे नेपाल वायु सेवाको विमानमार्फत जापानका लागि प्रस्थान गर्ने छिन् ।
खामीखावाको भ्रमणका क्रममा उच्चस्तरीय भेटवार्ता भए पनि कुनै सन्धी सम्झौतामा हस्ताक्षर नहुने परराष्ट्र मन्त्रालयले जनाएको छ । परराष्ट्रका प्रवक्ता अमृतबहादुर राईले भने, ‘विदेशमन्त्री कामीकावाको मैत्रीपूर्ण नेपाल भ्रमण हो ।नेपाल भ्रमणको क्रममा कुनै सम्झौता तथा समझदारी हुँदैन ।’
यो भ्रमणका क्रममा दुई देश बिचको सम्बन्ध, विकास निर्माण, जापानले गर्दै आएको सहयोग लगायतका विषयमा कुराकानी हुने उनले बताए ।
वि.सं.२०८१ वैशाख २३ आइतवार १३:२६ मा प्रकाशित