Sansar News
काठमाडौं । अख्तियार दुरुपयोग अनुसन्धान आयोगकी आयुक्त डा. सुमित्रा अमात्यको घरमा डोजल चलेको छ । मन्दिरको जग्गा मिचेको भन्दै ललितपुर महानगरपालिकाले आमत्यको घरको पर्खाल भत्काएको हो ।
ललितपुर महानगरपालिका-१० चाकुपाटस्थित डा. अमात्यको घरको कम्पाउण्ड पर्खाल बुधबार महानगरपालिकाको टोलीले डोजर लगाएर भत्काएको हो ।
घर रहेको जग्गा १५ आना ३ पैसा रहेको र यो अमात्य दम्पतीले २०७८ असोज १ गते किनेको अभिलेखबाट देखिएको छ ।
तर स्थानीय बासिन्दाले मन्दिरको जग्गा मिचेको भन्दै ललितपुर महानगरपालिकामा उजुरी दिनुका साथै अतिक्रमण हटाउन माग गर्दै आएका थिए ।
वि.सं.२०८१ असार १९ बुधवार १६:२९ मा प्रकाशित
